Tragedy : హెచ్ఐవీ బాధిత బాలికపై పలుమార్లు అత్యాచారం..

Tragedy : మహారాష్ట్రలోని లాథూర్ జిల్లాలో మానవత్వాన్ని సిగ్గుతో తలదించుకునేలా చేసే ఘోర ఘటన వెలుగులోకి వచ్చింది. హెచ్ఐవీ బారిన పడిన ఒక చిన్నారిపై ఆశ్రమ ఉద్యోగి వరుసగా రెండు సంవత్సరాల పాటు అత్యాచారానికి పాల్పడిన దారుణం బయటపడింది. ఈ అమానుష ఘటన వల్ల బాలిక గర్భం దాల్చడం, ఆ గర్భాన్ని బలవంతంగా తొలగించడం వంటి విషయాలు వెలుగులోకి రావడంతో లాథూర్ జిల్లా ప్రజల్లో ఆగ్రహం చెలరేగింది. బాధితురాలి ఫిర్యాదుతో పోలీసులు కదిలి నిందిత ఆశ్రమ ఉద్యోగితో పాటు మరికొంతమందిని అరెస్టు చేసి విచారణ ప్రారంభించారు.

పోలీసుల కథనం ప్రకారం, ధారశివ్ జిల్లాకు చెందిన ఓ బాలిక చిన్న వయసులోనే హెచ్ఐవీ బారిన పడింది. ఆమెను లాథూర్ జిల్లాలో ఉన్న హెచ్ఐవీ బాధిత బాలికల ఆశ్రమంలో ఉంచారు. అక్కడ రెండు సంవత్సరాలుగా ఉంటున్న ఈ బాలికపై ఆశ్రమంలో పని చేసే ఉద్యోగి కామాంధుడిలా వ్యవహరించాడు. బాలికపై పలుమార్లు అత్యాచారం చేసి, “ఈ విషయం ఎవరికి చెప్పొద్దు, చెబితే ప్రాణాలకు ముప్పు తలెత్తుతుంది” అంటూ భయపెట్టాడని బాధితురాలు పోలీసులకు తెలిపింది.

Sravanamasam : ఈ శ్రావణమాసంలో ఈ ఐదు రాశులవారికి పట్టిందల్లా బంగారమే !!

బాధితురాలు ఈ విషయం పై ఉన్నతాధికారులకు ఫిర్యాదు చేసేందుకు పలుమార్లు ప్రయత్నించినా, ఆశ్రమ నిర్వాహకులు ఆ ఉత్తరాలను చించివేయడం ద్వారా అడ్డుకున్నారు. బాలిక ప్రాణ భయంతో నిశ్శబ్దంగా ఉండాల్సి వచ్చింది. ఈలోగా నిందితుడు వరుసగా అఘాయిత్యాలు కొనసాగించడంతో బాలిక గర్భం దాల్చింది.

తాజాగా బాలిక అనారోగ్యంతో బాధపడటం మొదలయ్యింది. దీంతో ఆశ్రమ నిర్వాహకులు ఆమెను ఆసుపత్రిలో చేర్పించారు. వైద్యులు పరీక్షలు నిర్వహించగా, ఆమె నాలుగు నెలల గర్భవతి అని తేలింది. ఈ విషయం బయటకు రాకుండా చూడాలని ఆశ్రమ ఉద్యోగి, నిర్వాహకులు ప్రయత్నించారు. వైద్యుడికి డబ్బులు ఇచ్చి బాలికకు గర్భస్రావం చేయించినట్లు సమాచారం.

బాధితురాలు చివరికి ధైర్యం చేసి ధోకీ పోలీస్ స్టేషన్‌లో ఫిర్యాదు చేసింది. వెంటనే పోలీసులు కేసు నమోదు చేసి దర్యాప్తు ప్రారంభించారు. ఈ కేసులో నిందిత ఉద్యోగితో పాటు ఆశ్రమ నిర్వాహకులను కూడా అరెస్టు చేశారు. మొత్తం నలుగురిని అదుపులోకి తీసుకున్నట్లు లాథూర్ జిల్లా ఎస్పీ అమోల్ తాంబే వెల్లడించారు. బాధితురాలి వాంగ్మూలం ఆధారంగా కేసు దర్యాప్తు వేగవంతం చేసినట్లు తెలిపారు.

ఈ సంఘటన మహారాష్ట్ర అంతటా సంచలనం రేపింది. పిల్లలను రక్షించాల్సిన ఆశ్రమాలే ఇలా భయంకర ఘటనలకు వేదిక అవుతున్నాయన్న ఆందోళన తలెత్తింది. సామాజిక సంస్థలు, బాలల హక్కుల సంఘాలు ఈ ఘటనపై తీవ్ర ఆగ్రహం వ్యక్తం చేస్తూ కఠిన శిక్షలు విధించాలని డిమాండ్ చేస్తున్నాయి.

India Travel Advisory : థాయ్‌లాండ్-కాంబోడియా సరిహద్దు ఉద్రిక్తతలు.. భారత దౌత్య కార్యాలయ హెచ్చరిక