Home Insurance : హోమ్ ఇన్సూరెన్స్ తీసుకునేటప్పుడు ఈ విషయాలను గుర్తుంచుకోండి, లేదంటే తీవ్రంగా నష్టపోతారు
- By Hashtag U Published Date - 11:45 AM, Tue - 25 April 23
ఈ రోజుల్లో ఇళ్ల (Home Insurance)ధరలు వేగంగా పెరుగుతున్నాయి. మీరు మొదటిసారిగా ఇల్లును కొనుగోలు చేస్తున్నప్పుడు హోం ఇన్సూరెన్స్ గురించి తప్పకుండా తెలుసుకోవాలి. ఎందుకుంటే మీ ఇంటికి ఏదైనా అనుకోని ప్రమాదం జరిగితే, ఆర్థిక నష్టం భారీగా ఎదుర్కోవలసి ఉంటుంది. అటువంటి పరిస్థితిలో, హోమ్ ఇన్సూరెన్స్ ఎంతగానో ఉపయోగపడుతుంది. ప్రకృతి వైపరీత్యాలు అలాగే దొంగతనం మొదలైన వాటి వల్ల మీ ఇంటికి జరిగే నష్టాన్ని హోమ్ ఇన్సూరెన్స్ కవర్ చేస్తుంది. ఈ కారణంగా, ఇంటిని కొనుగోలు చేయడంతో పాటు గృహ బీమా తీసుకోవడం మంచి నిర్ణయం.హోమ్ ఇన్సూరెన్స్ తీసుకునేటప్పుడు, కొన్ని విషయాల గురించి తప్పనిసరిగా జాగ్రత్త వహించాలి. అవేంటో చూద్దాం.
హోమ్ ఇన్సూరెన్స్ రకాల గురించి తెలుసుకోవాలి:
హోమ్ ఇన్సూరెన్స్లో రెండు రకాలు ఉన్నాయి. మొదటిది – బిల్డింగ్ ఇన్సూరెన్స్. రెండవది -కంటెంట్ ఇన్సూరెన్స్. బిల్డింగ్ ఇన్సూరెన్స్ ఇంటికి భౌతిక నష్టాన్ని కవర్ చేస్తుంది. మరోవైపు, ఇంట్లో ఉంచిన వస్తువులకు జరిగే నష్టాన్ని కంటెంట్ ఇన్సూరెన్స్ కవర్ చేస్తుంది.
బీమా కవరేజ్:
హోమ్ ఇన్సూరెన్స్లో కవరేజీ చాలా ముఖ్యం. మీరు మీ ఇల్లు, అందులో ఉంచిన వస్తువుల ఆధారంగా బీమా కవరేజీని ఎంచుకోవాలి.హోమ్ ఇన్సూరెన్స్ సాధారణంగా చాలా చౌకగా ఉంటుంది. రూ.10 లక్షల కవర్తో హోమ్ ఇన్సూరెన్స్ ప్రీమియం రోజుకు రూ.2 నుంచి రూ.3 వరకు ఉంటుంది.
హోమ్ ఇన్సూరెన్స్ పాలసీలను సరిపోల్చండి:
హోమ్ ఇన్సూరెన్స్ తీసుకునేటప్పుడు మీరు ఎల్లప్పుడూ వివిధ కంపెనీల ప్లాన్లను సరిపోల్చుకోవాలి. మీరు ఎల్లప్పుడూ ప్రీమియం కంటే ఫీచర్లపై దృష్టి పెట్టాలి.
పరిమితులను చదవండి:
ఇతర బీమా పాలసీల మాదిరిగానే, హోమ్ ఇన్సూరెన్స్ కూడా వివిధ పరిమితులతో వస్తుంది. అటువంటి పరిస్థితిలో, మీరు ఈ పరిమితులను జాగ్రత్తగా చదవాలి, తద్వారా భవిష్యత్తులో క్లెయిమ్ చేయడంలో మీకు ఎలాంటి అసౌకర్యం కలగదు.
సమీక్ష:
హోమ్ ఇన్సూరెన్స్ లో ఎప్పటికప్పుడు మార్పులు చేస్తూనే ఉన్నారు. ఎప్పుడు ఎలాంటి మార్పు జరుగుతుందో తెలియదు. కాబట్టి గృహ బీమా తీసుకున్న తర్వాత, మీరు దానిని ఎప్పటికప్పుడు సమీక్షించుకోవాలి. ఇప్పటికే ఉన్న ఇంటి ఖర్చు ప్రకారం మీ హోమ్ ఇన్సూరెన్స్ సరిపోతుందా లేదా అని చూడాలి.
Related News
Car Insurance: కార్ల బీమా కంపెనీలకు కొత్త తలనొప్పి.. వాహనాలకు నష్టం కలిగిస్తున్న ఏనుగులు, పక్షులు..!
దేశవ్యాప్తంగా కార్ల బీమా కంపెనీల (Car Insurance) తలనొప్పి పెరిగిపోయింది. వాహనాలకు నష్టం కలిగించే జంతువుల కేసులు 2023 సంవత్సరంలో పెరిగాయి.