Mamata Benarjee : గ‌వ‌ర్న‌ర్ అధికారాల‌ను క‌ట్ చేసిన బెంగాల్‌ సీఎం

యూనివ‌ర్సిటీల‌పై గ‌వ‌ర్న‌ర్ కు ఉండే అధికారాల‌ను క‌ట్ చేస్తూ బెంగాల్ సీఎం మ‌మ‌తాబెన‌ర్జీ సంచ‌ల‌న నిర్ణ‌యం తీసుకున్నారు. ఇక నుంచి సీఎం రాష్ట్రంలోని అన్ని యూనివ‌ర్సిటీల‌కు చాన్స‌ల‌ర్ గా ఉంటారు. ఆ మేర‌కు రాష్ట్ర క్యాబినెట్ తీర్మానం చేసింది. దీంతో ఇక నుంచి గ‌వ‌ర్న‌ర్ స్థానంలో పశ్చిమ బెంగాల్ ముఖ్యమంత్రి మమతా బెనర్జీ అన్ని ప్రభుత్వ విశ్వవిద్యాలయాలకు ఛాన్సలర్‌గా ఉంటారు. మే 26, గురువారం నాడు రాష్ట్ర మంత్రివర్గం ఈ నిర్ణయం తీసుకుంది. దీని ప్రకారం, సిఎంను ప్రభుత్వ ఆధ్వర్యంలోని విశ్వవిద్యాలయాలకు ఛాన్సలర్‌గా చేయడానికి రాష్ట్ర ప్రభుత్వం అసెంబ్లీలో చట్టాన్ని సవరించనుంది.

కేబినెట్ సమావేశం అనంతరం బెంగాల్ విద్యాశాఖ మంత్రి బ్రత్యా బసు రాష్ట్ర మంత్రివర్గం నిర్ణయాన్ని ప్రకటించారు. యూనివర్శిటీల్లో వైస్ ఛాన్సలర్ల నియామకాలపై పశ్చిమ బెంగాల్ గవర్నర్ జగదీప్ ధన్‌ఖర్ రాష్ట్ర ప్రభుత్వంతో చర్చలు జరుపుతున్న నేపథ్యంలో ఈ నిర్ణయం తీసుకున్నారు. రాజ్‌భవన్‌ అనుమతి లేకుండానే రాష్ట్ర ప్రభుత్వం పలువురు వైస్‌ ఛాన్సలర్‌లను నియమించిందని గవర్నర్‌ జగ్‌దీప్‌ ధన్‌ఖర్‌ గతంలో ఆరోపించారు.