Camphor: గుడిలో కర్పూరాన్ని వెలిగించకూడదు.. ఎందుకో తెలుసా?

కర్పూరం వల్ల ఎన్నో రకాల ప్రయోజనాలు ఉన్నాయి అన్న విషయం మనందరికీ తెలిసిందే. కర్పూరం ఆరోగ్యానికి ఎంతో మేలు చేస్తుంది. కర్పూరం చాలా రకాలుగా ఉపయోగిస్తూ ఉంటారు. పూర్వం నుంచి కర్పూరం ని ఆయుర్వేదంలో వినియోగిస్తూనే ఉన్నారు. అదేవిధంగా కర్పూరంని దేవుడికి హారతి ఇవ్వడానికి ఉపయోగిస్తారు అన్న విషయం తెలిసిందే. పూజ మొత్తం పూర్తి అయిన తర్వాత దేవుడికి హారతి ఇవ్వడం కోసం కర్పూరం ని ఉపయోగిస్తూ ఉంటారు. అయితే కర్పూరం వెలిగించడం మంచిదే కానీ, అన్ని కర్పూరాలు ఒకటి కావట. అదేంటి అనుకుంటున్నారా మీకు తెలిసిన కర్పూరాలన్నీ మంచివి కావు.

ముఖ్యంగా ఆలయాల్లో వెలిగించే కర్పూరం నుంచి నల్లని పొగతో పాటు, ధూళి వెలువడుతుంది. కర్పూరం నుంచి వచ్చే పొగను బాగా గమనిస్తే దీనిలో నల్లటి రేణువులు కనిపిస్తాయి. కర్పూరం కాంఫర్ లారెల్ అనే చెట్టు నుంచి ఉత్పత్తి అవుతుంది. ఈ చెట్టు ఆకులు, కొమ్మలు, బెరడు నుంచి కర్పూరాన్ని తయారుచేస్తారు. కర్పూరం చెట్టు సుమారుగా 100 అడుగుల వరకు పెరుగుతుందట. ఈ చెట్లు ఎక్కువగా చైనా, జపాన్ వంటి దేశాల్లో పెరుగుతాయట. ఇక మన దేశంలో అయితే ఈ చెట్లు మైసూరు ప్రాంతం, మలబార్, నీలగిరి కొండల్లో కనిపిస్తాయి. కర్పూరం సుమారుగా 20 రకాలుగా ఉంటుంది.

వీటిల్లో పచ్చ కర్పూరం చాలా ఫేమస్. వంటల్లో, ఆయుర్వేద మందుల తయారీలో దీనిని ఎక్కువగా ఉపయోగిస్తారు. ఈ పచ్చ కర్పూరాన్ని చెట్టు వేర్లు కాండం ఉపయోగించి సేంద్రీయ విధానాల్లో తయారు చేస్తారు. అయితే గుడిలో ఇచ్చే హారతే మనకు ప్రమాదకరమట. కానీ మిగిలిన అన్ని కర్పూరాలు మంచివే అని, ఎందుకంటే వీటిని సేంద్రీయ విధానాల్లో తయారు చేస్తారు. ఒక్క గుడిలో వెలిగించే హారతి కర్పూరం తప్ప. ఎందుకంటే దీన్ని టర్పంటైన్ ఆయిల్ ఉపయోగించి రసాయన పద్ధతిలో తయారు చేస్తారట. అందుకే వీటిని వెలిగించినప్పుడు నల్లటి పొగతో పాటుగా ప్రమాదకరమైన రేణువులు వెలుపడతాయి. వీటిలో కాలిన కర్బన పదార్థాలు ఉంటాయి. దీని పొగను పీల్చడం వల్ల అది నేరుగా మన ఊపిరితిత్తుల్లోకి వెళ్లిపోతుందట. దీంతో ఉబ్బసం, ఆయాసంతో పాటుగా కొన్ని రకాలు క్యాన్సర్లు కూడా వచ్చే ప్రమాదం ఉందని చెబుతున్నారు. రసాయన పద్దతిలో తయారుచేసే కర్పూరాన్ని హారతిగా ఇవ్వడం వల్ల భక్తులు, అర్చకులు అనారోగ్య సమస్యల బారినపడాల్సి వస్తుందని హిందూ, అర్చక, ధర్మదాయ శాఖలు ఆరోపిస్తున్నాయి. కాబట్టి ఒకవేళ మీరు గుడిలో హారతి ఇవ్వాలి అనుకుంటే కర్పూర హారతికి బదులుగా దీప హారతి ఇవ్వచ్చు అని చెబుతున్నారు.