Paralysis Symptoms: ఈ మూడు రకాల లక్షణాలు కనిపిస్తున్నాయా.. అయితే పక్షవాతం రావడం ఖాయం?
ఈ రోజుల్లో చాలామంది పక్షవాతం సమస్యతో బాధపడుతున్న విషయం తెలిసిందే. అయితే ఈ పక్షవాతం రావడానికి అనేక రకాల కారణాలు ఉన్నాయి. అంతేకాకుండా పక్షవాతం
- By Nakshatra Published Date - 06:30 PM, Thu - 4 January 24
ఈ రోజుల్లో చాలామంది పక్షవాతం సమస్యతో బాధపడుతున్న విషయం తెలిసిందే. అయితే ఈ పక్షవాతం రావడానికి అనేక రకాల కారణాలు ఉన్నాయి. అంతేకాకుండా పక్షవాతంలో కూడా అనేక రకాలు ఉన్నాయి. కొందరికి రెండు కాళ్లు రెండు చేతులు నోరూ పడిపోతే మరికొందరికి ఒక కాలు, ఒక చేయి మాత్రమే పడిపోతూ ఉంటుంది. అయితే ఇది చాలా మొండి జబ్బు. ఎందుకంటే ఇది ఒక్కసారి వచ్చింది అంటే చాలు జీవితాంతం మంచానికే పరిమితం కావాల్సి ఉంటుంది. అందుకే ఈ జబ్బు పేరు వింటనే అందరూ వణికిపోతారు. పక్షవాతం గనక వస్తే మనిషి తన సహజంగా చేసుకునే పనులు కూడా చేసుకోలేని పరిస్థితి వస్తుంది.
దీని నుంచి 20 శాతం మందే కోలుకుంటారు. మిగిలిన వారందరూ జీవితాంతం ఈ వ్యాధితో బాధపడుతూ ఉంటారు. అయితే పక్షవాతం చెప్పి రాదు. నిమిషం అర నిమిషంలోనే కాలు చేయి పడిపోయి నోట మాట రాకుండా పోతుంది. అయితే ఈ జబ్బు రావడానికి ముఖ్యంగా మూడు కారణాలు ఉన్నాయి. అలాగే పక్షవాతం వచ్చే ముందు కొన్ని రకాల లక్షణాలు కూడా కనిపిస్తాయి. ఇంతకీ ఆ కారణాలు ఏమిటి ఎలాంటి లక్షణాలు కనిపిస్తాయి అన్న వివరాల్లోకి వెళితే.. అయితే పక్షవాతం రాకుండా ఉండాలంటే ముందుగా వచ్చే ఆ లక్షణాలపై దృష్టి పెట్టాలి. ఇదివరకటి రోజుల్లో పక్షవాతం వృద్ధులకు మాత్రమే వచ్చేది. కానీ ఇప్పుడు పట్టుమని 15 ఏళ్లు కూడా నిండని పిల్లలకు కూడా వచ్చేస్తుంది. దీనికి కారణం మన జీవన శైలిలో వచ్చే ఈ మూడు మార్పులే.
ముందుగా ఉప్పును ఎక్కువగా తినడం వల్ల చాలా ప్రమాదం ఉంటుంది. ఉప్పుకు రక్తాన్ని చిక్క పరిచే గుణం ఉంటుంది. బిపి రావడానికి కూడా సాల్ట్ కారణమవుతుంది. సాధారణంగా చూస్తే ఏ దేశాలు సాల్ట్ ఎక్కువగా ఉపయోగిస్తున్నారో ఆ దేశాల్లోనే పెరాలసిస్ రోగులు ఎక్కువగా ఉన్నట్లు చెబుతున్నారు. అయితే మనం రోజులో కేవలం 1.5 గ్రాముల ఉప్పును మాత్రమే వినియోగించాలి. అంతకు మించి తీసుకుంటే చాలా ప్రమాదం. రెండవది తెల్లటి పదార్థాలు. అంటే మైదా పిండితో తయారు చేసే ఆహార పదార్థాలు. వీటిలో కార్బోహైడ్రేట్లు శాతం ఎక్కువగా ఉంటుంది. ఇవి త్వరగా జీర్ణమయ్యి కొవ్వుగా మారతాయి. తర్వాత ఎల్.డి.ఎల్ బ్యాడ్ కొలెస్ట్రాల్ గా మారతాయి. ఈ బ్యాడ్ కొలెస్ట్రాల్ వలన రక్త నాళాలు కూడుకుపోతాయి. దీని ద్వారా రక్త ప్రసరణ జరగక పెరాలసిస్ వచ్చే ఆకాశం ఎక్కువ అవుతుంది. మూడోది హైబీపి. హైబీపీ వచ్చిన వాళ్లు చాలా జాగ్రత్తగా ఉండాలి. లేదంటే పెరాలసిస్ వచ్చే అవకాశం ఉంది. అయితే ఈ మూడింటిని నియంత్రణలో ఉంచుకుంటే పెరాలసిస్ ముప్పు నుంచి తప్పించుకోవచ్చు.
Related News
Victory On Paralysis : పక్షవాతంపై విజయం.. మెదడు, వెన్నెముకపై కంట్రోల్
పక్షవాతం(Victory On Paralysis) వస్తే మంచానికే పరిమితం.. ఇది పాత ముచ్చట !!