Tamarind Seeds: ‎వామ్మో.. చింత గింజల వల్ల ఏకంగా అన్ని రకాల ప్రయోజనాలు కలుగుతాయా?

‎‎Tamarind Seeds: ప్రతి ఒక్కటి వంట గదిలో చింతపండు తప్పనిసరిగా ఉంటుంది. చింతపండును చాలా రకాల వంటలు తయారీలో ఉపయోగిస్తూ ఉంటారు. అయితే చింత పండు ఉపయోగించిన తర్వాత వాటి గింజలు పడేస్తూ ఉంటారు. కానీ చాలామందికి తెలియని విషయం ఏమిటంటే చింతపండు గింజల వల్ల ఎన్నో అద్భుతమైన ప్రయోజనాలు కలుగుతాయట. చింత గింజల్లోనూ అదే స్థాయిలో ఉంటాయి. కానీ చాలామంది వీటి గురించి తెలియక పడేస్తుంటారు. లేదా కేజీల చొప్పున మార్కెట్లో అమ్మేస్తుంటారు.
‎
‎చింత గింజలు ప్రోటీన్లు, ఫైబర్, కాల్షియం, ఫాస్ఫరస్, పొటాషియం, యాంటీ ఆక్సిడెంట్లు, ఫ్లేవనాయిడ్ల వంటి అనేక పోషకాలను కలిగి ఉంటాయట. ఇవి శరీరానికి శక్తిని ఇవ్వడంతో పాటు రోగనిరోధక శక్తిని పెంచడానికి సహాయపడుతాయట. అంతేకాదు చింత గింజలు అనేక ఆరోగ్య సమస్యల నుంచి ఉపశమనం కలిగిస్తాయని చెబుతున్నారు. కాగా చింత గింజల్లో ఉండే ఫైబర్ జీర్ణక్రియను మెరుగుపరుస్తుంది. వీటిని తినడం ద్వారా అజీర్ణం, గ్యాస్, కడుపు ఉబ్బరం వంటి సమస్యల నుంచి ఉపశమనం కలుగుతుందట. అంతేకాదు ఈ గింజల పొడి శరీరంలో వాపును తగ్గించే యాంటీ ఇన్‌ఫ్లమేటరీ లక్షణాలను కలిగి ఉంటుందట. కీళ్ల వాపు, నొప్పి ఉన్నవారికి ఇది మంచి ఔషధంలా పనిచేస్తుందని చెబుతున్నారు.
‎
‎చింత గింజల్లో ఉండే పొటాషియం, యాంటీ ఆక్సిడెంట్లు రక్తనాళాల్లో ఒత్తిడిని తగ్గించి గుండె ఆరోగ్యాన్ని కాపాడుతాయట. కొలెస్ట్రాల్ స్థాయిని నియంత్రించడంలో సహాయపడతాయని, అంతేకాదు చింత గింజల్లో ఉండే విటమిన్ C, ఫ్లేవనాయిడ్లు శరీరాన్ని వైరస్‌ లు, బ్యాక్టీరియా నుంచి కాపాడుతాయని, జలుబు, దగ్గు వంటి సీజనల్ వ్యాధుల నుంచి ఉపశమనం కలిగిస్తాయని చెబుతున్నారు. చింత గింజల్లో ఉండే హైల్ రోనిక్ యాసిడ్ చర్మానికి అవసరమైన తేమను అందిస్తుందట. చింత గింజల పొడిని పేస్ట్‌ లా తయారు చేసి ముఖానికి అప్లై చేస్తే మొటిమలు తగ్గుతాయని, చర్మం మృదువుగా మారుతుందని పిగ్మెంటేషన్ కూడా తగ్గుతుందని, చింత గింజల్లో ఉన్న యాంటీ ఆక్సిడెంట్లు చర్మంపై ముడతలు, వృద్ధాప్య లక్షణాలను తగ్గించడంలో సహాయపడతాయని చెబుతున్నారు.