శని దేవుడిని న్యాయ దేవుడిగా పిలుస్తారు. శనిదేవుడు మనం చేసే పనిని బట్టి ఫలాలను ఇస్తాడు. కానీ శనిదేవుడి ప్రభావం పడిందంటే..ఆ వ్యక్తి పతనం ఖాయం. అందుకే శనిదేవుని పేరు వినగానే భయపడతారు. అనాలోచితంగా చేసే తప్పుడు పనులకు శిక్షలు పడకుండా ఉండేందుకు ప్రతి ఒక్కరు రకరకాల ప్రయత్నాలు చేస్తుంటారు. కానీ హనుమంతుడిని పూజించే వారిని శనిదేవుడు తాకలేడని తెలుసా? అ హనుమంతుడిని ఆరాధించడం వల్ల శని దేవుడి దుష్ఫలితాలు తగ్గుతాయని.., అంతేకాదు శనిదేవుడు శుభ ఫలితాలను ఇవ్వడం ప్రారంభిస్తాడని జ్యోతిష్యశాస్త్రంలో కూడా చెప్పబడింది. వీటన్నింటికీ వెనుక ఉన్న గ్రంధాలలో ఒక కథ ప్రస్తావించబడింది. కాబట్టి శని దేవుడు హనుమంతునికి ఎందుకు భయపడుతున్నాడో తెలుసుకుందాం.

హనుమంతుడు, శని దేవుడి కథ-
పురాణాల ప్రకారం, ఒకసారి అడవిలో హనుమంతుడు రాముని భక్తిలో మునిగిపోయాడు. అదే సమయంలో, శనిదేవుడు అడవి గుండా వెళ్ళాడు. ఎవరికైనా హాని చేసే శక్తి శనిదేవుడికి ఉంది. ఈ అహంతో, శని తన వక్ర దృష్టితో హనుమంతుడితో యుద్ధం చేయాలని ప్రయత్నించాడు. శని హనుమంతుడిని చేరుకుని యుద్ధం చేయమని సవాలు చేస్తాడు. శ్రీరాముని భక్తిలో మునిగి ఉన్న హనుమంతుడు, శనితో మాట్లాడటానికి ఇష్టపడడు. శని చాలా సేపు హనుమంతుని దృష్టి మరల్చడానికి ప్రయత్నిస్తూనే ఉన్నాడు. కానీ హనుమంతుని దృష్టి మరల్చడంలో విఫలమయ్యాడు.

దీంతో ఆగ్రహించిన శని మళ్లీ సవాల్ విసిరాడు. నేను మూడు లోకాలను భయపెట్టే శనిని. ఈ రోజు నేను మీ రాశిలోకి ప్రవేశించబోతున్నాను, నన్ను ఆపగలిగితే, నన్ను ఆపండి. అది విన్న హనుమంతుడు వినయంగా ఇలా అన్నాడు. నీ బలాన్ని ఎక్కడైనా చూపించు, నన్ను మాత్రం నా స్వామిని ధ్యానించనివ్వు. ఇలా చెబుతూ హనుమంతుడు మళ్లీ శ్రీరాముని భక్తిలో మునిగిపోయాడు. అది విని శని కోపం రగిలిపోయి ముందుకు వెళ్లి హనుమంతుని చేయి పట్టుకున్నాడు. అప్పుడు హనుమంతుడు ఒక్క దెబ్బతో తన చేతిని శని చేతుల నుండి విడిపించాడు. శని రెండవ సారి హనుమాన్ చేయి పట్టుకోవడానికి ప్రయత్నించినప్పుడు, హనుమంతుడు ఉగ్రరూపం దాల్చాడు. హనుమంతుడి ఉగ్ర రూపం చూసి శని తన తోకముడిచాడు.

తరువాత కూడా, శని ఓటమి అంగీకరించలేదు. మీ రాముడు కూడా నా నుంచి నిన్ను కాపాడలేడు అని హనుమంతుడితో చెప్పాడు. ఇది విన్న హనుమాన్ కోపంతో, శని దేవుడిని పర్వతాల చెట్లపై కొట్టి దూరంగా తరిమేశాడు. దీంతో శని దేవుడి పరిస్థితి మరీ దారుణంగా మారింది. శని సహాయం కోసం చాలా మంది దేవతలను పిలిచాడు, కానీ ఎవరూ అతనికి సహాయం చేయలేదు. చివరికి, శని తన ఓటమిని అంగీకరించి, హనుమంతుని దయను కోరుతూ ఇలా అన్నాడు – ఓ కపి రాజా, నేను నా అహంకారానికి ఫలాన్ని పొందాను, నన్ను క్షమించు. భవిష్యత్తులో నేను కూడా నీ నీడకు దూరంగా ఉంటాను. అప్పుడు బజరంగబలి శనితో నువ్వు నా నీడలోకి మాత్రమే కాదు, నా భక్తుల నీడకు కూడా దూరంగా ఉండు అని హెచ్చరించాడు. శని సరే అని అక్కడి నుంచి వెళ్లిపోయాడు. అప్పటి నుండి హనుమంతుడిని ఆరాధించే భక్తులకు శని దేవుడు భంగం కలిగించడు. కాబట్టి శనిని శాంతింపజేయడానికి హనుమంతుడిని పూజించాలని సూచించారు.