Shani Jayanti 2025: శని జయంతి రోజు ఈ పరిహారాలు పాటిస్తే చాలు జన్మజన్మల పుణ్యం లభించడం ఖాయం!

శనిదేవుడని ఇష్టంగా పూజించేవారు శని జయంతి కోసం ఎదురుచూస్తూ ఉంటారు. ఎందుకంటే ఈ శని జయంతి పండుగ రోజున చేసేటటువంటి పరిహారాలు పూజలు ప్రత్యేక ఫలితాలను అందిస్తాయని భక్తుల నమ్మకం. హిందూ సంప్రదాయం ప్రకారం శని దేవుడిని న్యాయదేవుడిగా పరిగణిస్తూ ఉంటారు. అంటే మనం చేసే మంచి చెడు పనులను బట్టి శుభ అశుభ ఫలితాలను అందిస్తూ ఉంటాడు. మంచి పనులు చేసే వారికి మంచి ఫలితాలు చెడ్డ పనులు చేసే వారికి చెడు ఫలితాలను అందిస్తూ కష్టాలకు గురి చేస్తూ ఉంటాడు. శని దేవుడిని న్యాయ దేవుడిగా పూజిస్తారు. ప్రతి సంవత్సరం శని జయంతి పండుగను జ్యేష్ఠ మాసం అమావాస్య రోజున జరుపుకుంటారు.

ఈ రోజున శని దేవుడిని పూజించడం,ఉపవాసం ఉండటం ద్వారా జీవితంలో ఆనందం, శాంతి, శ్రేయస్సు,మానసిక ప్రశాంతత లభిస్తాయని చెబుతున్నారు. ముఖ్యంగా శని జయంతి రోజున పూజ చేయడం వల్ల సాధేశతి, శని ధైయ్య కష్టాల నుండి ఉపశమనం లభిస్తుందట. శని దేవుడి ఆశీర్వాదం పొందడానికి శని దేవాలయాలలో పూజలు చేస్తారు. భక్తులు శని దేవుడికి నూనె సమర్పించి ఆయన ఆశీర్వాదం పొందడానికి ప్రార్థనలు చేస్తారు. అంతే కాకుండా ఈ రోజున ప్రత్యేక చర్యలు తీసుకోవడం ద్వారా జీవితంలో ఆనందం, విజయాన్ని తెచ్చే శని దేవుడి ఆశీర్వాదాలను కూడా పొందవచ్చట. శని జయంతి తేదీ, సమయం జ్యేష్ఠ మాసం లోని అమావాస్య తేదీ ఈ విధంగా ప్రారంభమవుతుందట.

మే 26, సోమవారం, మధ్యాహ్నం 12:11 గంటలకు, జ్యేష్ఠ మాసంలోని అమావాస్య తేదీ ముగిసే సమయం మే 27, మంగళవారం, రాత్రి 8:31 గంటలకు, ఉదయ తిథి ప్రకారం శని జయంతి మంగళవారం, మే 27, 2025న జరుపుకుంటారు. శని దేవుడు జ్యేష్ఠ మాసంలోని అమావాస్య రోజున జన్మించాడు. అందుకే ఈ రోజును శని అమావాస్య అని కూడా పిలుస్తారట. శని దేవుడికి తొమ్మిది గ్రహాలలో ప్రత్యేక స్థానం ఉంది. మంచి పనులు అయినా చెడు పనులు అయినా శని దేవుడు ఎప్పుడూ వివక్ష చూపడట. ఈరోజున భక్తులు శని దేవాలయాలకు వెళ్లి నూనె సమర్పించి, దీపాలు వెలిగించి, శని దేవుడిని స్మరించి, ఆయన ఆశీస్సులు, పాపాల నుండి విముక్తి కోసం ప్రార్థిస్తూ ఉంటారు. నిజమైన హృదయంతో పూజించడం ద్వారా శని దేవుడు సంతోషంగా ఉంటాడని అంతే కాకుండా జీవితంలోని కష్టాలు క్రమంగా తొలగిపోతాయట. శని జయంతి రోజున శని దేవుడిని ప్రసన్నం చేసుకోవడానికి కొన్ని రకాల చర్యలు చేయాలి.

ఇవి మతపరంగా ప్రాముఖ్యతను కలిగి ఉండటమే కాకుండా జీవితంలో సానుకూల మార్పులను కూడా తీసుకురాగలవు. ఈ రోజున నల్ల నువ్వులు, మినప్పప్పు, నల్ల బట్టలు , ఆవ నూనె దానం చేయడం చాలా శుభప్రదంగా భావిస్తారు. ఇలా చేయడం ద్వారా శని అనుగ్రహం లభిస్తుందని చెబుతారు. అంతే కాకుండా జీవితంలోని అడ్డంకులు తొలగిపోతాయట. ఈ నలుపు రంగు వస్తువులను శని దేవునికి ఇష్టమైనవిగా భావిస్తారు కాబట్టి వాటిని దానం చేయడం వల్ల అతని కోపం తగ్గుతుందట. శని జయంతి రోజు సాయంత్రం రావి చెట్టు కింద ఆవాల నూనె దీపం వెలిగించడం కూడా చాలా ప్రభావవంతమైన పరిష్కారంగా పరిగణించబడుతుందట. ఈ దీపం పర్యావరణాన్ని శుద్ధి చేయడమే కాకుండా మీ చుట్టూ ఉన్న ప్రతికూల శక్తిని కూడా తొలగిస్తుందట. శనిదేవుడు రావి చెట్టులో నివసిస్తాడని, ముఖ్యంగా ఈ రోజున ఆయన పాదాల వద్ద దీపం వెలిగించడం వలన ఆయన త్వరగా సంతోషిస్తాడని భక్తుల నమ్మకం.