Crow: ఇంటి ముందుకు ఈ దిశలో కాకి అరుస్తుందా.. అయితే జరగబోయేది ఇదే?

Crow

Crow: హిందూ సంప్రదాయంలో కాకులు ఒక ప్రత్యేకమైన ఆధ్యాత్మిక స్థానాన్ని కలిగి ఉన్నాయి. మన సాంప్రదాయంలో కాకులను మన పితృ దేవతలుగా కూడా పరిగణిస్తారు. పితృపక్షంలో కాకులకు పిండం పెట్టడం మన పూర్వీకులను సంతృప్తి పరిచే కర్మగా పరిగణిస్తారు. కాకి శనీశ్వరుడి వాహనం అన్న విషయం మనందరికీ తెలిసిందే. ఇకపోతే కాకి మన ఇంటి పరిసర ప్రాంతాల్లో అరిస్తే ఏమవుతుందో ఇప్పుడు మనం తెలుసుకుందాం.. ‎ఒక కాకి ఇంటి వాకిలి లేదా బాల్కనీలో కూర్చొని బిగ్గరగా అరుస్తుంటే, అది ఇంటికి అతిథులు రాబోతున్నారనడానికి సంగీతం అని అంటున్నారు. ముఖ్యంగా ఇది ఉదయం పూట జరిగితే, రోజంతా శుభవార్తలు వింటారట.
‎
‎ సానుకూల సంఘటనలు కూడా జరగబోతున్నాయని అర్థం అంటున్నారు. మధ్యాహ్న సమంలో కాకి ఉత్తరం లేదా తూర్పు దిశలో అరిస్తే దానిని కూడా చాలా శుభ ప్రదంగా పరిగణిస్తారట. దీని వల్ల ఇంట్లో కి ధనం, సంతోషం రాబోతున్నాయని అర్థం అంటున్నారు. అంతేకాదు పోటీల్లో విజయం సాధించే అవకాశాలు కూడా ఉన్నాయని అంటున్నారు. మీరు ఇంటి నుండి బయలుదేరే ముందు కాకి అరుస్తే, ఆ ప్రయాణం విజయవంతమవుతుందని, అడ్డంకులు లేకుండా గమ్యానికి చేరుకుంటారట. కాకి నీరు త్రాగడం లేదా ఆహారం తింటున్నట్లు కనిపిస్తే, అది శుభ సంకేతంగా భావించాలట. ఇది త్వరలో మీకు ఆర్థిక లాభం, పనిలో ప్రమోషన్ లేదా సంతోషకరమైన వార్త రాబోతుందని సూచిస్తుందని చెబుతున్నారు. చాలా కాకులు కలిసి బిగ్గరగా అరుస్తుంటే, అది దురదృష్టానికి సంకేతంగా భావించాలట.
‎
‎ ఈ సందర్భంలో కుటుంబంలో కలహాలు, అనారోగ్యం లేదా అశుభ సంఘటనలు జరగవచ్చని చెబుతున్నారు. దక్షిణ దిశలో కాకి అరుస్తే, అది పితృదోషం సూచనగా పరిగణిస్తారట. పూర్వీకుల ఆశీర్వాదం లభించడం లేదు అనేదానికి ఇది సంకేతం అని చెబుతున్నారు. ఈ పరిస్థితిలో పితృ తర్పణం చేయడం, కాకులకు పిండం పెట్టడం మంచిదని చెబుతున్నారు. ఇంటి ముందు లేదా ఆవరణలో చనిపోయిన కాకి కనిపిస్తే, అది అత్యంత దురదృష్టకరంగా పరిగణించాలట. ఈ సందర్భంలో శుద్ధి కర్మలు, దానం, ప్రాయశ్చిత్తం చేయడం ద్వారా దోషాన్ని తగ్గించవచ్చని చెబుతున్నారు. కాగా శనివారాల్లో కాకులకు ఆహారం పెట్టడం వల్ల శని దోషం తగ్గుతుందట. శని ప్రసన్నుడైతే మన జీవితంలో అడ్డంకులు తొలగి, కష్టాలు తగ్గుతాయట. అదేవిధంగా, రాహువు చెడు స్థితిలో ఉన్నప్పుడు కాకులకు ఆహారం పెట్టడం ద్వారా రాహువు ప్రభావం కూడా తగ్గుతుందని చెబుతున్నారు..

Follow us