Vijay Deverakonda : విజయ్ దేవరకొండ కొత్త సినిమా పోస్టర్ రిలీజ్.. కత్తి, నెత్తురు, యుద్ధం..
'ఫ్యామిలీ స్టార్' సినిమా తరువాత దిల్ రాజు నిర్మాణంలో విజయ్ దేవరకొండ మరో సినిమా చేస్తున్న సంగతి తెలిసిందే. నేడు ఆ మూవీ..
- By News Desk Published Date - 09:48 AM, Thu - 9 May 24
Vijay Deverakonda : ‘ఫ్యామిలీ స్టార్’ సినిమా తరువాత దిల్ రాజు నిర్మాణంలో విజయ్ దేవరకొండ మరో సినిమా చేస్తున్న సంగతి తెలిసిందే. ‘రాజా వారు రాణి గారు’ వంటి విలేజ్ లవ్ స్టోరీ సినిమాతో ఇండస్ట్రీకి పరిచయమైన దర్శకుడు రవి కిరణ్ కోలా ఈ సినిమాని డైరెక్ట్ చేయబోతున్నారు. ఇటీవలే ఈ చిత్రాన్ని అఫీషియల్ గా అనౌన్స్ చేసిన మేకర్స్.. నేడు విజయ్ పుట్టినరోజు సందర్భంగా ఓ పోస్టర్ ని రిలీజ్ చేసారు.
ఈ పోస్టర్ లో కత్తి పట్టుకున్న చెయ్యి, దాని నిండా రక్తం కనిపిస్తుంది. ఇక ఈ పోస్టర్ పై ఇలా రాసుకొచ్చారు.. ‘కత్తి నేనే నెత్తురు నాదే యుద్ధం నాతోనే’ అనే క్యాప్షన్ రాసుకొచ్చారు. ఈ క్యాప్షన్ ఆడియన్స్ లో ఆసక్తిని కలగజేస్తుంది. విజయ్ దేవరకొండ ఇప్పటివరకు రురల్ బ్యాక్ డ్రాప్ సినిమాలో నటించలేదు. ఇప్పుడు ఈ సినిమాలో నటించడమే ఒక ఇంటరెస్టింగ్ పాయింట్ అంటే, పోస్టర్ లో కత్తి, నెత్తురు, యుద్ధం అంటూ మరింత ఆసక్తిని కలగజేస్తున్నారు.
“The blood on my hands is not of their death.. but of my own rebirth..“
Ravi Kiran Kola X Vijay Deverakonda@SVC_official pic.twitter.com/xGXXiNbVQu
— Vijay Deverakonda (@TheDeverakonda) May 9, 2024
పీరియాడిక్ యాక్షన్ డ్రామాగా రాబోతున్న ఈ చిత్రం పొలిటికల్ థ్రిల్లర్ గా తెరకెక్కబోతుందట. ఇక ఈ సినిమాకి ‘రౌడీ జనార్దన్’ అనే టైటిల్ ని ఖరారు చేసారని ఫిలిం వర్గాల్లో టాక్ వినిపిస్తుంది. త్వరలోనే ఈ మూవీని పూజా కార్యక్రమాలతో లాంచ్ చేసి షూటింగ్ కూడా మొదలు పెట్టనున్నారు.
కాగా ప్రస్తుతం విజయ్ దేవరకొండ వరుస ప్లాప్ ల్లో ఉన్నారు. ఆయన అభిమానులంతా ప్రస్తుతం చేస్తున్న సినిమాలు పైనే అసలు పెట్టుకున్నారు. ముఖ్యంగా ఈ సినిమా, గౌతమ్ తిన్ననూరితో చేస్తున్న సినిమా పై బలమైన నమ్మకం పెట్టుకున్నారు. మరి ఆ నమ్మకాన్ని విజయ్ అండ్ మేకర్స్ నిలబెట్టుకుంటారో లేదో చూడాలి.
