Vijay Deverakonda : ఆ సినిమాలో విజయ్ దేవరకొండ డ్యూయల్ రోల్ చేస్తున్నాడా..?

Vijay Deverakonda Paly Dual Role In Rahul Sankrityn Vd14 Movie

Vijay Deverakonda : విజయ్ దేవరకొండ తన నెక్స్ట్ లైనప్ తో ఫ్యాన్స్ తో పాటు టాలీవుడ్ ఆడియన్స్ ని కూడా ఆకట్టుకుంటున్నారు. ప్రస్తుతం గౌతమ్ తిన్ననూరి దర్శకత్వంలో నటిస్తున్న విజయ్ దేవరకొండ.. ఆ తరువాత రవి కిరణ్ కోలా దర్శకత్వంలో SVC59, రాహుల్ సాంకృత్యాన్ దర్శకత్వంలో VD14 చేస్తున్నారు. ప్రస్తుతం SVC59, VD14 మూవీస్ కి సంబంధించిన ప్రీ ప్రొడక్షన్ వర్క్స్ జరుగుతున్నాయి.

1854 సంవత్సరం నుంచి 1873 మధ్య జరిగిన ఓ పీరియాడిక్ స్టోరీతో రాబోతున్న VD14 సినిమాలో.. విజయ్ దేవరకొండ డ్యూయల్ రోల్ చేస్తున్నారట. ఈ మూవీ పోస్టర్ రిలీజ్ చేస్తూ.. శపించబడిన ఒక ప్రాంతానికి చెందిన ఓ యోధుడి కథ అంటూ తెలియజేసారు. ఆ స్టోరీ లైన్, ఇప్పుడు ఈ న్యూస్ వింటుంటే.. ఈ సినిమా రెండు టైం పీరియడ్స్ లో ఉండబోతుందని తెలుస్తుంది. ఈక్రమంలో విజయ్ రెండు పాత్రల్లో కనిపించబోతున్నారని తెలుస్తుంది. మరి ఈ వార్తలో ఎంత నిజముందో తెలియాలంటే వేచి చూడాలి.

కాగా ఈ సినిమాని మైత్రి మూవీ మేకర్స్ నిర్మిస్తున్నారు. గతంలో రాహుల్ సాంకృత్యాన్, విజయ్ తో ‘టాక్సీవాలా’ సినిమా చేసారు. ఆ మూవీతో విజయ్ కి మంచి విజయాన్ని అందించారు. ఆ తరువాత శ్యామ్ సింగరాయ్ అనే సూపర్ హిట్ సినిమాని రాహుల్ డైరెక్ట్ చేసారు. ఇప్పుడు తన మూడో సినిమాగా విజయ్ తో మరోసారి జతకడుతున్నారు. దీంతో ఈ మూవీ పై మంచి అంచనాలే నెలకొన్నాయి. మరి రాహుల్ అండ్ విజయ్ ఆ అంచనాలను ఎలా అందుకుంటారో చూడాలి.

Follow us