Swapna Dutt:ఎన్టీఆర్ వల్లే నా పెళ్లి జరిగింది.. రివీల్ చేసిన టాప్ ప్రొడ్యూసర్ కుమార్తె
ప్రస్తుతం టాలీవుడ్ స్టార్ హీరో జూ.ఎన్టీఆర్ పేరు ఇండియా అంతా మార్మోగిపోతోంది.
- By Hashtag U Published Date - 12:39 PM, Wed - 24 August 22
Swapna Dutt: ప్రస్తుతం టాలీవుడ్ స్టార్ హీరో జూ.ఎన్టీఆర్ పేరు ఇండియా అంతా మార్మోగిపోతోంది. ఆర్.ఆర్.ఆర్ సినిమాతో ప్రపంచ వ్యాప్తంగా గుర్తింపు తెచ్చుకున్న తారక్ ఇటీవల కేంద్ర హోంమంత్రి అమిత్షాతో ప్రత్యేకంగా సమావేశమైన సంగతి తెలిసిందే. ఈ నేపథ్యంలో ఎన్టీఆర్ గురించి టాలీవుడ్ టాప్ ప్రొడ్యూసర్ అశ్వినీదత్ కుమార్తె స్వప్నదత్ ఓ కీలక విషయాన్ని రివీల్ చేసింది. ఇటీవల ఓ ఇంటర్వ్యూలో ఆమె మాట్లాడుతూ.. తన ప్రేమ పెళ్లికి కారణం ఎన్టీఆరేనని వెల్లడించింది. ఎన్టీఆర్తో వైజయంతి మూవీస్ బ్యానర్ శక్తి సినిమాను తెరకెక్కించింది. ఈ సినిమా షూటింగ్ సమయంలో స్వప్నదత్ ఎన్టీఆర్ను కలిసి తాను ప్రేమలో ఉన్న విషయం గురించి చెప్పింది. తన ప్రేమ విషయాన్ని ఇంట్లో చెప్పడానికి తాను భయపడినట్లు స్వప్నదత్ తెలిపింది. అయితే వెంటనే ఎన్టీఆర్ ఈ విషయం గురించి ఇంట్లో చెప్పేయమని సలహా ఇచ్చాడని.. కానీ అప్పట్లో తమ ఇంట్లో ప్రేమ పెళ్లిని అంగీకరించే పరిస్థితులు లేవని స్వప్న వెల్లడించింది.
అప్పుడు ఎన్టీఆర్ వెంటనే స్పందించి… ఇలాంటి విషయాల్లో ఎక్కువ ఆలస్యం చేయకూడదని..అశ్వనీదత్ గారితో తాను మాట్లాడతానని చెప్పాడట. ఈ మేరకు శక్తి సినిమా షూటింగ్ మధ్యలోనే ఆపేసి ఎన్టీఆర్ వచ్చి తన తండ్రి అశ్వనీదత్తో మాట్లాడాడని.. అలా తమ పెళ్లికి తారక్ మూలకారణంగా నిలిచాడని స్వప్నదత్ తాజాగా ఓ ఇంటర్వ్యూలో వెల్లడించింది. ఎన్టీఆర్ కుటుంబానికి, అశ్వనీదత్ కుటుంబానికి మంచి రిలేషన్ ఉండటంతోనే ఇది సాధ్యమైందని అభిప్రాయపడింది. 2010లో స్వప్న దత్ ప్రసాద్ వర్మ అనే వ్యక్తిని పెళ్లి చేసుకున్నారు. కాగా వైజయంతి మూవీస్ ఇటీవల నిర్మించిన సీతారామం సినిమా డబుల్ బ్లాక్ బస్టర్గా నిలిచింది. ఈ సినిమా చూసినవాళ్లందరూ ఫిదా అయిపోతున్నారు. అటు ఎన్టీఆర్ కూడా కొరటాల శివ సినిమాతో బిజీబిజీగా ఉన్నాడు. ఈ సినిమా తర్వాత ప్రశాంత్ నీల్తో ఎన్టీఆర్ ఓ సినిమా చేయాల్సి ఉంది.
Related News
Jr NTR : జూనియర్ ఎన్టీఆర్ ఆ గేమ్లో స్టేట్, నేషనల్ లెవల్స్ ఆడాడని తెలుసా?
ఎన్టీఆర్ ఓ గేమ్ లో నేషనల్, స్టేట్ లెవల్లో ఆడాడు అని చాలా తక్కువ మందికి తెలుసు.