Tollywood: పవన్ను డైరెక్ట్ చేసే చాన్స్ కొట్టేసిని స్వామిరారా డైరెక్టర్..!
- By HashtagU Desk Published Date - 11:02 AM, Sun - 20 March 22
పవర్ స్టార్ పవన్ కళ్యాణ్ వచ్చే సార్వత్రిక ఎన్నికలను దృష్టిలో పెట్టుకుని వరుస సినిమాలను ఒప్పుకుంటున్నారు. ఎన్నికల లోపు వీలైనన్ని ఎక్కువ సినిమాలను చేసి, వచ్చే రెమ్యునరేషన్ తో తన జనసేన పార్టీని నడపాలని అనుకుంటున్నారు. ఎందుకంటే… పవన్ కు సినిమా తప్ప, వేరే ఏ వ్యాపారాలు లేవు. సో… సినిమాలు తీస్తే… వచ్చే డబ్బుతోనే తన పార్టీని నడపాల్సిన పరిస్థిని పవన్ కళ్యాణ్ ది. ఇది పక్కన పెడితే… తాజాగా పవన్ కళ్యాణ్ ‘భీమ్లా నాయక్’ తో బ్లాక్ బస్టర్ హిట్ అందుకున్నారు.
మరోవైపు క్రియేటివ్ డైరెక్టర్ క్రిష్ జాగర్లమూడి దర్శకత్వంలో… ‘హరిహర వీరమల్లు’ మూవీ సెట్స్ పై ఉంది. ఇప్పటికే 60 శాతం చిత్రీకరణ పూర్తి చేసుకుంది ఈ చిత్రం. ‘హరిహర వీరమల్లు’ తర్వాత హరీష్ శంకర్ దర్శకత్వంలో ‘భవదీయుడు భగత్ సింగ్’ ను సెట్స్ పైకి తీసుకెళ్లనున్నారు పవర్ స్టార్ పవన్ కళ్యాణ్. ఇక ఆ తర్వాత లైన్లో… స్టైలిష్ డైరెక్టర్ సురేందర్ రెడ్డి కూడా ఉన్నాడనే విషయం అందరికీ తెలిసిందే. పవన్ ను పూర్తిస్థాయి యాక్షన్ హీరోగా చూపించనున్నారు సురేందర్ రెడ్డి. ఇప్పటికే స్క్రిప్ట్ వర్క్ పూర్తయింది. పాన్ ఇండియా స్థాయిలో మాంచి యాక్షన్ డ్రామాగా తెరకెక్కించేందుకు రెడీ అవుతున్నారు సురేందర్ రెడ్డి.
ఇకపోతే, పవన్ కూడా రీమేక్ లపైనే ప్రధానంగా ఫోకస్ చేసినట్లు తెలుస్తోంది. అందులో భాగంగానే… ‘భీమ్లా నాయక్’ తర్వాత పవన్ కళ్యాణ్ మరో మూడు రీమేకులకు గ్రీన్ సిగ్నల్ ఇచ్చినట్లు ఫిల్మ్ నగర్ సర్కిల్స్ లో టాక్ వినిపిస్తోంది. అందులో ఒక రీమేక్ కి సముద్రఖని దర్శకత్వం వహించనుండగా… మరో రీమేక్ కి సుధీర్ వర్మ దర్శకత్వం వహిస్తారని సమాచారం. నిఖిల్ హీరోగా ‘స్వామిరారా’ సినిమాతో హిట్ అందుకున్న సుధీర్ వర్మ, ఆ తర్వాత ‘దోచేయ్’, ‘కేశవ’, ‘రణరంగం’ సినిమాలు చేశాడు. అయితే అవి బాక్స్ ఆఫీస్ వద్ద అంతగా ఆకట్టుకోలేదు. ప్రస్తుతం రవితేజతో ‘రావణాసుర’ సినిమాను పట్టాలెక్కించే పనిలో ఉన్నాడు సుధీర్ వర్మ. రవితేజతో సినిమా తర్వాత పవర్ స్టార్ పవన్ కళ్యాణ్ తోనే సుధీర్ వర్మ సెట్స్ పైకి వెళ్లనున్నాడని సోషల్ మీడియాలో వార్తలు చక్కర్లు కొడుతున్నాయి. అలనే లైన్లో సాహో దర్శకుడు సుజిత్ కూడా ఉన్నట్లు సమాచారం.
Related News
AP Poll : అల్లు అర్జున్..మనస్ఫూర్తిగా పవన్ కు మద్దతు తెలుపలేదా..?
పవన్ కళ్యాణ్ కు అల్లు అర్జున్ మనస్ఫూర్తిగా మద్దతు తెలపలేదని అంటున్నారు. ఒక బడా వ్యక్తి కాల్ చేసి అల్లు ఫ్యామిలీకి వార్నింగ్ ఇవ్వడంతోనే అల్లు అర్జున్ కూడా ఒక మెట్టు దిగి వచ్చి పవన్ కళ్యాణ్ కి సపోర్ట్ చేశాడు అని.. ప్రచారం జరుగుతుంది