Sita Ramam Review: ‘సీతారామం’ కంప్లీట్ క్లీన్ అండ్ గ్రీన్ మూవీ!
హను లవ్ స్టోరీలు బాగా తీస్తాడు. కానీ సీన్ని పకడ్బందీగా, టైట్గా చెప్పడంలో తేలిపోతాడు.
- By Balu J Published Date - 02:14 PM, Sat - 6 August 22
సినిమా: సీతారామమ్ (Sita Ramam)
నటీనటులు: దుల్కర్ సల్మాన్, మృణాల్ ఠాకూర్, రష్మిక మందన్న, సుమంత్ యార్లగడ్డ, శత్రు, తరుణ్ భాస్కర్, సునీల్, వెన్నెల కిశోర్, రాహుల్ రవీంద్రన్, మురళీ శర్మ, ప్రకాష్ రాజ్, జిష్షు సేన్ గుప్త, సచిన్ ఖేడేకర్, భూమిక చావ్లా, గౌతమ్ వాసుదేవమీనన్ తదితరులు
సంగీతం: విశాల్చంద్రశేఖర్
మాటలు: హను రాఘవపూడి, జయ్ కృష్ణ, రాజ్కుమార్ కందమూడి
దర్శకత్వం: హను రాఘవపూడి
నిర్మాత: అశ్వినీదత్
రేటింగ్ : 3/5
స్వాతిముత్యంలోని తొలి సన్నివేశం గుర్తుందా? గొబ్బెమ్మల సీను.
ఆ సీన్లోనే.. ఆ సినిమా కథ మొత్తం ఉంది. ఈ సంగతి విశ్వనాథ్ గారికి కూడా తెలీదు. ఓ జర్నలిస్టు రివ్యూ రాస్తే… ”అవును కదా.. నా కథేంటో… ఫస్ట్ సీన్లోనే చెప్పేశా కదా” అనుకొన్నార్ట కె.విశ్వనాథ్.
సీతారామం తొలి సన్నివేశం చూసినా నాకు అదే అనిపించింది. ఫస్ట్ సీన్లోనే కథ మొత్తం చెప్పేశాడు దర్శకుడు. అదేంటో చెప్పేస్తే.. సినిమా చూసే వాళ్లకు కిక్ ఉండదు కాబట్టి.. దాచి పెడుతున్నా.ప్రేమ కథలంటే.. సీనుకు రెండు మూడు లిప్పు లాక్కులు
కథకు అవసరం ఉన్నా, లేకపోయినా రొమాంటిక్ సీన్లు
‘రావే.. పోరా’ అనిపించే డైలాగులూ – ఈమధ్య ఇవే కనిపిస్తున్నాయి. వాటి మధ్య `సీతారామం` ప్రత్యేకంగా నిలుస్తుంది. ఎవ్వరూ ఎక్కడా తలదించుకొనే షాట్… ఒక్కటంటే ఒక్కటీ లేదు. ప్రేమించిన అమ్మాయిని ‘మీరు.. ఏవండీ’ అని పిలుచుకొనేంత సంస్కారం చూపించిన సినిమా `సీతారామం`.
హను లవ్ స్టోరీలు బాగా తీస్తాడు. కానీ సీన్ని పకడ్బందీగా, టైట్గా చెప్పడంలో తేలిపోతాడు. సెకండాఫ్లో దొరికిపోతాడు. ఇవి రెండూ కంట్రోల్ చేసుకుంటే, ఎంత మంచి సినిమా తీయగలడో… సీతారామం నిరూపించింది. స్క్రిప్టుని ఎంత పర్ఫెక్ట్ గా రాసుకొన్నాడో..? సీత, అఫ్రిన్ – ఈ రెండు పేర్లతో ఆడిన చిన్న మ్యాజిక్ ఈ సినిమా. ఆ పేర్ల వెనుక కథేమిటన్నది సినిమా చూసిన వాళ్లకు అర్థం అవుతుంది.
కళ్లతోనే నటించే దుల్కర్,
నవ్వుతో మైమరపించే మృణాల్ – ఈ జంటని చూడ్డానికి రెండు కళ్లూ సరిపోవు. సినిమా అంతా ఒక ఎత్తు.. క్లైమాక్స్ మరో ఎత్తు అనిపించింది. ఈమధ్య కాలంలో.. ఇంత క్లీన్ అండ్ గ్రీన్ సినిమా ఇంకోటి రాలేదు.
నాకైతే నచ్చింది.
మీకూ ఇదే ఫీలింగ్ కలుగుతుందని నా నమ్మకం!
రివ్యూ బై : అన్వర్
Related News
The Family Star : రేపు ఆ ఓటీటీలోకి ఫ్యామిలీ స్టార్..
విజయ్ దేవరకొండ నటించిన "ఫ్యామిలీ స్టార్" రేపు అమెజాన్ ప్రైమ్ వీడియోలో ప్రీమియర్గా ప్రదర్శించబడుతుంది.