Urvashi Rautela: ఒక నిమిషానికే కోటి రెమ్యూనరేషన్, పవన్ కు షాక్ ఇచ్చిన ఐటెం బ్యూటీ!

Urvashi Rautela

రోజుకి 2 కోట్లు సంపాదిస్తున్నట్లు పవన్ కళ్యాణ్ ఎప్పుడో బహిరంగంగా ప్రకటించాడు. ఇప్పుడు ఓ హీరోయిన్ పవన్ కళ్యాణ్ ని ఆశ్చర్యానికి గురిచేసే విషయాన్ని ప్రకటించింది. ఇండియాలో నిమిషానికి కోటి రూపాయల పారితోషికం తీసుకునే హీరోయిన్ ఎవరైనా ఉన్నారా? దీపికా పదుకొనే, అలియాభట్ లాంటి స్టార్ హీరోయిన్లు కూడా ఈ రేంజ్ లో లేరు. కానీ ఒక్క హీరోయిన్ మాత్రం నిమిషానికి కోటి తీసుకుంటున్నట్లు ప్రకటించింది. ఆమే ఊర్వశి రౌతేలా.

ఆ విషయాన్ని ఆమె స్వయంగా చెప్పింది. ఓ విలేకరి మైక్ ఆమె ముందు పెట్టాడు. నిమిషానికి కోటి రూపాయలు తీసుకుంటున్న నటిగా మీరు ఎలా ఫీలవుతున్నారని ఆయన ప్రశ్నించారు. అన్న ప్రశ్నకు ఊర్వశి తడబడకుండా సమాధానమిచ్చింది. దీంతో ఆమెపై సోషల్ మీడియాలో ఓ రేంజ్ లో ట్రోలింగ్ మొదలైంది. ఉర్ఫీ జావేద్ లాంటి వాళ్లు ఊర్వశిని ఓ ఆట ఆడుకుంటున్నారు. ఊర్వశి రౌతేలా రోజుకు 300-400 కోట్లు సంపాదిస్తోంది అంటూ ఉర్ఫీ సెటైరికల్ టోన్‌లో వ్యాఖ్యానించడంతో.. నెటిజన్లు ఓ రేంజ్‌లో మండిపడ్డారు. నిమిషానికి కోటి తీసుకుంటుంటే అసలు ఏ సినిమాల్లో నటిస్తోంది అని కొందరు ఆమెను ఎగతాళి చేశారు.

ఊర్వశి రౌతేలాకు సోషల్ మీడియాలో మంచి ఫాలోయింగ్ ఉంది. ఆమె కొన్ని పెయిడ్ పోస్ట్‌ల కోసం డబ్బు తీసుకుంటుంది. అదే ఆమె ప్రధాన సంపాదన. తాజాగా టాలీవుడ్‌లో ఐటెం సాంగ్స్ చేస్తోంది. ఆమెకు ఇది తప్ప వేరే ఆదాయ మార్గం లేదు. మరి ఈ క్రేజ్‌తో ఆమె నిమిషానికి కోటి రూపాయలు తీసుకునే అవకాశం ఉందా? ఇదే విషయంపై సోషల్ మీడియాలో ఊర్వశిని ఓ రేంజ్ లో ట్రోల్ చేస్తున్నారు. అయితే ఈ బ్యూటీకి ఇలాంటి ట్రోలింగ్ కొత్త కాదు. ఎప్పటిలాగే ఆమె దీన్ని చాలా తేలికగా తీసుకుంది.

Also Read: Sonia-Sharmila: సోనియాతో షర్మిల భేటీ.. కాంగ్రెస్ లో YSRTP విలీనం!

Follow us