Pushpa2 vs Saripodhaa Sanivaaram: బన్నీ పుష్ప2 vs నాని సరిపోదా శనివారం

Pushpa2 vs Saripodhaa Sanivaaram: నేచురల్ స్టార్ నాని వరుస చిత్రాలతో దూసుకెళ్తున్నారు. మాస్, క్లాస్ అన్న తేడా లేకుండా విభిన్న కథలను ఎంచుకుంటున్నాడు. ప్రస్తుతం నాని సరిపోదా శనివారం చిత్రంలో నటిస్తున్నాడు. డివివి దానయ్య ఈ చిత్రాన్ని భారీ బడ్జెట్ తోనే నిర్మిస్తున్నారు. షూటింగ్ మొదలు పెట్టుకున్న ఈ చిత్రం శరవేగంగా చిత్రీకరణ జరుపుకుంటుంది. ఇదిలా ఉంటే ఈ చిత్రం విడుదల తేదీ అల్లు అర్జున్ పుష్ప2 తో ముడిపడి ఉంది.

ఐకాన్ స్టార్ అల్లు అర్జున్ , క్రియేటీవ్ డైరెక్టర్ సుకుమార్ కాంబోలో పుష్ప2 రూపుదిద్దుకుంటుంది. పుష్ప సినిమా సంచలనం అనుకుంటే.. అంతకు మించి అనేలా.. ఇండియన్ బాక్సాఫీస్ ని షేక్ చేసేలా.. పుష్ప 2 ని రూపొందిస్తున్నారు. మైత్రీ మూవీ మేకర్స్ నిర్మాణపరంగా మంచి క్వాలిటీతో నిర్మిస్తున్నారు. ఈ సినిమా గత సంవత్సరం డిసెంబర్ లో రిలీజ్ కావాలి కానీ.. వాయిదా పడింది. ఆ తర్వాత సంక్రాంతికి వస్తుంది అనుకుంటే.. ఆగష్టు 15న విడుదల అని మేకర్స్ అధికారికంగా ప్రకటించారు.

ఇటీవల పుష్ప 2 ఆగష్టు 15న రావడం పక్కా అంటూ అనౌన్స్ చేశారు. ఇప్పుడు నేచురల్ స్టార్ నటిస్తోన్న మూవీ సరిపోదా శనివారం శరవేగంగా షూటింగ్ జరుపుకుంటుంది. ఈ చిత్రాన్ని ఆర్ఆర్ఆర్ ప్రొడ్యూసర్ డీవీవీ దానయ్య నిర్మిస్తున్నారు. ఈ సినిమాను పుష్ప 2 పోస్ట్ పోన్ అయితే.. ఆగష్టు 15న విడుదల చేయాలి అనుకుంటున్నారట. దీనిని బట్టి పుష్ప 2 రిలీజ్ పై నాని అండ్ టీమ్ కి డౌట్ ఉందనే విషయం అర్థమౌతుంది. ఇండస్ట్రీలో ఇది ఆసక్తిగా మారింది.

దీంతో పుష్ప 2 వాయిదా అనేది మరోసారి తెర పైకి వచ్చింది. మేకర్స్ పుష్ప 2 రావడం పక్కా అని ప్రకటించినా వాయిదా పడడం ఖాయమని ఇండస్ట్రీ జనాలే ప్రచారం చేస్తుండడం హాట్ టాపిక్ అయ్యింది. బన్నీ మాత్రం ఇప్పటికే బాగా ఆలస్యం అయ్యింది. ఇక ఎట్టి పరిస్థితుల్లోనూ వాయిదా పడడానికి వీల్లేదు. ఆగష్టు 15న పుష్ప 2 రిలీజ్ కావాల్సిందే అని గట్టిగా డైరెక్టర్ సుకుమార్, నిర్మాత మైత్రీ సంస్థకు చెప్పేశాడట. అందుకనే మేకర్స్ ఆగష్టు 15న రిలీజ్ చేయాలని ఫిక్స్ అయ్యారట. మరి.. ప్రకటించినట్టుగా ఆగష్టు 15న వస్తుందో..? వాయిదా పడనుందో చూడాలి.

Also Read: Tollywood Drug Case: టాలీవుడ్ డ్రగ్స్ కేసు కథ సమాప్తం