Ram Charan: ఉప్పెన డైరెక్టర్ తో రామ్ చరణ్ మూవీ ఫిక్స్.. అఫిషీయల్ అనౌన్స్!
ఉప్పెన' దర్శకుడు బుచ్చిబాబు తన నెక్ట్స్ ప్రాజెక్టు గురించి అనేక చర్చలు జరుగుతున్న విషయం తెలిసిందే.
- By Balu J Published Date - 02:10 PM, Mon - 28 November 22
ఉప్పెన’ దర్శకుడు బుచ్చిబాబు తన నెక్ట్స్ ప్రాజెక్టు గురించి అనేక చర్చలు జరుగుతున్న విషయం తెలిసిందే. దీంతోపాటు మెగా హీరో రామ్ చరణ్ తదుపరి సినిమా కూడా ఏమిటి అనేది చర్చనీయాంశమవుతోంది. అయితే ఈ ఇద్దరి కాంబోలో ఓ సినిమా రాబోతోంది. బుచ్చిబాబు ఎన్టీఆర్తో సినిమా ఉంటుందనేది చాలా కాలంగా చర్చలు జరుగుతున్నప్పటికీ, ఈ స్టార్ హీరో కొరటాల శివ దర్శకత్వంలో తన 30 వ చిత్రాన్ని ఇంకా ప్రారంభించలేదు. ఎన్టీఆర్ ప్రశాంత్ నీల్ ప్రాజెక్ట్ని కూడా ఓకే చేశాడు. దీంతో బుచ్చిబాబు ప్రాజెక్టు ముందుకు సాగలేదు. ఆసక్తికరమైన విషయం ఏమిటంటే.. యువ దర్శకుడు త్వరలో రామ్ చరణ్తో కలిసి పనిచేయబోతున్నట్లు పుకార్లు వచ్చాయి.
ఇప్పుడు ఈ వార్తకు సంబంధించి అధికారిక ప్రకటన వచ్చింది. ‘ఆర్ఆర్ఆర్’ తర్వాత పాన్ఇండియన్ హీరోగా మారిన మెగా పవర్ స్టార్ రామ్చరణ్ బుచ్చిబాబు దర్శకత్వంలో ఓ సినిమా చేయనున్నారు. ఈ ప్రతిష్టాత్మక ప్రాజెక్ట్ను వెంకట సతీష్ కిలారు తన ‘వృద్ధి సినిమాస్’ బ్యానర్పై నిర్మించనున్నారు. ఆయనతో పాటు మైత్రీ మూవీ మేకర్స్, సుకుమార్ రైటింగ్స్ సంయుక్తంగా ఈ చిత్రాన్ని నిర్మించనున్నాయి.
భారీ బడ్జెట్ తో రూపొందనున్న ఈ ప్రాజెక్ట్ పై ఈ అఫీషియల్ అప్ డేట్ అంచనాలను పెంచేసింది. నటీనటులు, సాంకేతిక నిపుణుల వివరాలు త్వరలో వెలువడనున్నాయి. ‘చిరుత’ హీరో ప్రస్తుతం లెజెండరీ ఫిల్మ్ మేకర్ శంకర్ దర్శకత్వంలో #RC15 సినిమా చేస్తున్నాడు. దిల్ రాజు నిర్మిస్తున్న ఈ ప్రాజెక్ట్ లో కియారా అద్వానీ హీరోయిన్. ప్రస్తుతం టీమ్ అంతా న్యూజిలాండ్లో ఓ పాటను చిత్రీకరిస్తున్నారు. ఎంతో ఆసక్తిగా ఎదురుచూస్తున్న ఈ ప్రాజెక్ట్ 2023 ద్వితీయార్థంలో విడుదల కానుంది. ఈ సినిమాపై అంచనాలు భారీగానే ఉన్నాయి.
Related News
Sekhar Kammula: నేను కాదు.. నా సినిమాలే మాట్లాడతాయి, కాపీ కొట్టే కథలు నేను చేయను!
Sekhar Kammula: నేషనల్అవార్డ్ విన్నర్ దర్శకుడు శేఖర్ కమ్ముల 2007 లో వచ్చిన సినిమా హ్యపీడేస్. ఈ సినిమా అప్పట్లో విమర్శకుల ప్రశంసలను కూడా పొందింది. అంతా కొత్తవారితో తీసిన ఆ సినిమాను మరలా ఏప్రిల్ 19 న రి రిలీజ్ చేస్తున్నారు. దర్శకుడు శేఖర్ కమ్ముల 2000లో డాలర్ డ్రీమ్స్ చిత్రంతో దర్శకుడు గా వెలుగులోకి వచ్చారు. ఆ తరవాత హ్యాపీ డేస్ నుంచి లవ్ స్టోరీ వరకు పలు సినిమాలు చేశారు. ఆయన సినిమా అంటే […]