Radhe Shyam in OTT : OTTలో రాధేశ్యామ్…డేట్ ఫిక్స్..!!

Radhe Shyam, Ott

రాధేశ్యామ్…పాన్ ఇండియా స్టార్ ప్రభాస్, పూజా హెగ్డే జంటగా నటించిన మూవీ. ఈ చిత్రాన్ని రాధాకృష్ణ దర్శకత్వంలో తెరకెక్కించారు. భారీ అంచనాల నడుమ ఈ నెల మార్చి 11న గ్రాండ్ రిలీజ్ అయిన సంగతి తెలిసిందే. అయితే ఈ మూవీ మిక్స్డ్ టాక్ ను అందుకుని ఫ్యాన్స్ ను తీవ్రంగా నిరాశపరించింది. కలెక్షన్ల పరంగా మాత్రం పర్వాలేదనిపించింది. ఇప్పుడు రాధేశ్యామ్ డిజిటల్ ప్రిమియర్ గా రానుంది. ఈ మూవీ డిజిటల్ రైట్స్ ను ప్రముఖ ఓటీటీ సంస్థ అమెజాన్ ప్రైమ్ కొనుగోలు చేసిన సంగతి తెలిసిందే.

కాగా ఉగాది కానుకగా ఈ చిత్రాన్ని ఏప్రిల్ 1 నుంచి స్ట్రీమింగ్ చేయనున్నట్లు అమెజాన్ తెలిపింది. అయితే రాధేశ్యామ్ రిలీజ్ అయ్యి కనీసం నెల రోజులు కూడా కాలేదు. అప్పుడు ఈ మూవీని ఓటీటీలో విడుదల చేయడం ఏంటని అభిమానులు కాస్త అసహనం వ్యక్తం చేస్తున్నారు. ఇక తెలుగులోనే కాదు మిగతా భాషల్లో కూడా ఈ మూవీ ప్రేక్షకులకు అందుబాటులోకి రానుంది. ఇక థియేటర్లో మిక్స్డ్ టాక్ అందుకున్న ఈ మూవీ ఓటీటీలో ఎలాంటి సక్సెస్ అందుకుంటుందో చూడాల్సిందే…

Follow us