Bheemla Nayak: ‘భీమ్లా నాయక్’ ను చూసిన ‘పవర్ స్టార్’..!!

ప్రపంచ వ్యాప్తంగా ఉన్న పవన్ కళ్యాణ్ అభిమానులు ఎంతో ఆతృతగా ఎదురుచూస్తున్న సినిమా ‘భీమ్లా నాయక్’. ‘వకీల్ సాబ్’ లాంటి బ్లాక్ బస్టర్ హిట్ తర్వాత వస్తున్న సినిమా కావడంతో అంచనాలు సైతం ఆకాశాన్నంటాయి. ముందుగా అనుకున్న ప్రకారం జనవరి 12న ఈ సినిమా విడుదల కావాల్సి ఉంది. అయితే ‘ఆర్ఆర్ఆర్’, ‘రాధేశ్యామ్’ సినిమాల కారణంగా… ఫిబ్రవరి 25కి వాయిదా పడింది. ప్రస్తుతం కరోనా పరిస్థితులు ఎలా ఉన్నాయో మనం చూస్తున్నాం. అయితే తాజాగా ‘భీమ్లా నాయక్’ విడుదలకు సంబంధించిన డేట్స్ మేకర్స్ అనౌన్స్ చేశారు. కుదిరితే…
ఫిబ్రవరి 25న, కుదరకపోతే ఏప్రిల్ 1న విడుదల చేసేందుకు చిత్ర నిర్మాత నాగవంశీ ప్లాన్ చేస్తున్నారు. వరల్డ్ వైడ్ గా పెద్ద ఎత్తున, అత్యధిక థియేటర్లలో రిలీజ్ చేయనున్నారు. ఈ నేపథ్యంలో రెడీ అయిన ‘భీమ్లా నాయక్’ మూవీ ఫస్ట్ కాపీని హీరో పవన్ చూశారు. ప్రసాద్ లాబ్ లో మంగళవారం ఆయన ‘భీమ్లా నాయక్’ ఫైనల్ అవుట్ పుట్ ను చూసి పచ్చ జెండా ఊపినట్లు తెలుస్తోంది. మరోవైపు సినిమాకి సంబంధించిన మిక్సింగ్ పనులు దాదాపు పూర్తయ్యాయి. సిజి వర్క్ కూడా కంప్లీట్ అయింది. కరోనా పరిస్థితులు తగ్గుముఖం పడితే…

ఈ నెల 25న సినిమాను విడుదల చేస్తారు. లేదంటే… ఏప్రిల్ 1 న విడుదల చేస్తామని రెండు రిలీజ్ డేట్స్ ను మేకర్స్ లాక్ చేసి పెట్టారు. ‘భీమ్లా నాయక్’ కు పవన్ బెస్ట్ ఫ్రెండ్ త్రివిక్రమ్ మాటలు, స్క్రీన్ ప్లే అందిస్తుండగా… మ్యూజిక్ సెన్సేషన్ థమన్ సంగీతం అందిస్తున్నారు. థమన్ అందించిన పాటలు ఇప్పటికే వైరల్ గా మారిన సంగతి తెలిసిందే. ‘భీమ్లా నాయక్’ లో పవన్ సరసన నిత్యా మీనన్ హీరోయిన్ గా నటిస్తోంది. పవర్ స్టార్ పవన్ కళ్యాణ్ తో ఫస్ట్ టైమ్ రానా దగ్గుబాటి ఈ సినిమాలో నటిస్తున్నారు. ఈ మూవీ ‘అయ్యప్పనుమ్ కోషియోమ్’ కి రీమేక్ గా తెరకెక్కిన విషయం తెలిసిందే.