Nagarjuna&Tabu: టబుతో ‘రిలేషన్ షిప్’పై నాగ్ రియాక్షన్ ఇదే!

Nag

టాలీవుడ్ లో నాగార్జున-టబూ కాంబినేషన్ విజయవంతమైన వాటిల్లో ఒకటి. వీరిద్దరి కాంబినేషన్ లో రెండు సినిమాలు వచ్చాయి. 1996లో వచ్చిన నిన్నే పెళ్లాడతా సూపర్ హిట్ అయింది. ఆ సినిమాలో వీరిద్దరి కెమిస్ట్రీ కూడా బాగా పండింది. దాంతో వీరిద్ధరి మధ్య ఏదో ఉందంటూ రూమర్లు కూడా వచ్చాయి. చాలా కాలం పాటు వీరు రిలేషన్ షిప్ లో ఉన్నారనే వార్తలు కూడా వ్యాపించాయి. టబూ తనకు మంచి ఫ్రెండ్ అంటూ నాగార్జున లోగడ ఈ రూమర్లను ఖండించారు. తాజాగా ఓ మీడియా సంస్థతో ఇంటర్వ్యూ సందర్భంగా మరోసారి ఇదే అంశం ప్రస్తావనకు వచ్చింది.

‘‘టబూ నాకు అద్భుమైన స్నేహితురాలు. మా స్నేహం నాకు 21 – 22 ఏళ్లు, టబూకి 16 ఏళ్ల వయసు నుంచే కొనసాగుతోంది. అంటే జీవితంలో సగం కాలం. మా స్నేహం గురించి చెప్పింది చాలా తక్కువ. నేను దాచడానికి ఏమీ లేదు. మీరు ఆమె పేరును పలికారంటే నా మొహం వెలిగిపోతుంది. దాన్ని మీరు ఏదో అనుకుంటే అది మీరు చూసే దృక్పథం నుంచే ఉంటుంది. నా వరకు అయితే ఆమె అందమైన వ్యక్తి. అందమైన ఫ్రెండ్. అది ఎప్పుటికీ అలానే ఉంటుంది’’ అని నాగార్జున చెప్పారు. నాగార్జున భార్య అమలకు సైతం టబూ మంచి ఫ్రెండ్ గా ఉన్న విషయ గమనార్హం. గతంలో ఓ ఇంటర్వ్యూ సందర్భంగా అమల ఈ విషయాన్ని స్పష్టం చేశారు. టబూ హైదరాబాద్ వచ్చినప్పుడు తమ ఇంట్లోనే ఉంటుందని కూడా చెప్పారు.

Follow us