KGF2: రికార్డులు బ్రేక్ చేస్తోన్న కేజీఎఫ్ 2

కేజీఎఫ్2 సినిమా విడుదలై హిట్ టాక్ తెచ్చుకుంటుంది. యష్ హీరోగా, ప్రశాంత్ నీల్ దర్శకత్వంలో ‘రూపొందిన భారీ బడ్జెట్ తో నిర్మితమైన ఈ సినిమా, ఈ నెల 14వ తేదీన ప్రేక్షకుల ముందుకు వచ్చింది. ఈ సినిమా మొదటి పార్ట్ సూపర్ సక్సెస్ కావడంతో సెకండ్ పార్ట్ పై అభిమానులకు అంచనాలు పెరిగిపోయాయి. అందుకు తగినట్టుగానే భారీ ఓపెనింగ్స్ తో ఈ సినిమా సక్సెస్ టాక్ తెచ్చుకుంది. తొలి రోజునే ఈ సినిమా ప్రపంచవ్యాప్తంగా 134.5 కోట్ల గ్రాస్ ను వసూలు చేసినట్లు సినిమా టీమ్ తెలిపింది. తొలి రోజున హిందీ వెర్షన్ 53.95 కోట్ల గ్రాస్ ను రాబట్టగా, ఒక్క కేరళలోనే ఈ సినిమా తొలి రోజున 7.30 కోట్లను కొల్లగొట్టింది.

నైజామ్ లోనే ఈ సినిమా తొలి రోజున 9 కోట్లకి పైగా షేర్ ను సాధించింది. రెండవ రోజున 7.3 కోట్ల షేర్ ను రాబట్టింది. రెండు రోజుల వసూళ్లను కలుపుకుని చూస్తే, దేశవ్యాప్తంగా ఈ సినిమా 238.5 కోట్ల గ్రాస్ ను, ప్రపంచవ్యాప్తంగా 278.5 కోట్ల గ్రాస్ ను వసూలు చేసినట్టుగా చెబుతున్నారు. భారీ యాక్షన్ సీన్స్, మదర్ సెంటిమెంట్ ఈ సినిమాకి ఈ స్థాయి వసూళ్లను తెచ్చిపెట్టాయని సినీ విశ్లేషకులు అంటున్నారు. ఈ వీకెండ్ కి ఈ సినిమా 500 కోట్ల మార్కును అందుకోవడం ఖాయమనే టాక్ వినిపిస్తోంది.