Kantara OTT Release: ఓటీటీలోకి వచ్చేస్తున్న కాంతార.. స్ట్రీమింగ్ ఎప్పుడంటే!

Kantara Chapter 1

చిన్న సినిమాగా విడుదలై దేశమంతటా సంచలనం రేపింది కాంతార మూవీ. ఈ సినిమా బాహుబలి, పుష్ప, గాడ్ ఫాదర్ లాంటి పెద్ద సినిమాలను రికార్డులను సైతం కొల్లగొట్టింది. దీంతో ఈ మూవీ ఎప్పుడు ఓటీటీలోకి వచ్చేస్తుందా? అని ఆసక్తిగా ఎదురుచూస్తున్నారు ప్రేక్షకులు. ఈ సినిమా శాటిలైట్ డీల్ లాక్ అయింది. ప్రముఖ శాటిలైట్ ఛానెల్ స్టార్ మా, కాంతార హక్కుల్ని దక్కించుకుంది. ఈ డబ్బింగ్ సినిమా హక్కులు తెలుగులో 4 కోట్ల 50 లక్షల రూపాయలకు అమ్ముడుపోయాయి. ఓ కన్నడ డబ్బింగ్ సినిమాకు తెలుగులో ఈ స్థాయిలో రేటు పలకడం విశేషం. కేజీఎఫ్ తర్వాత శాటిలైట్ లో ఈ రేటు అందుకున్న కన్నడ డబ్బింగ్ సినిమా ఇదే.

ఈ సినిమా డిజిటల్ రైట్స్ ను చాలా రోజుల కిందటే అమెజాన్ ప్రైమ్ కు అమ్మేశారు. టోటల్ స్ట్రీమింగ్ రైట్స్ అమెజాన్ దక్కించుకుంది. ఈ సినిమా నవంబర్ 24 నుంచి అమెాజన్ ప్రైమ్‌లోకి రానుందని అంటున్నారు. దీనికి సంబంధించి ఓ వార్త సోషల్ మీడియాలో వైరల్ అవుతోంది. తెలుగు శాటిలైట్ రైట్స్ ను 7 కోట్ల రేషియోలో అమ్మాలని నిర్మాతలు భావించారు.

కానీ అంత మొత్తం రాలేదు. చివరికి నాలుగున్నర కోట్లకు డీల్ లాక్ చేశారు. ఇది కూడా పెద్ద మొత్తమే. రిషబ్ శెట్టి హీరోగా నటిస్తూ, స్వీయ దర్శకత్వంలో తీసిన ఈ సినిమాను హోంబలే ఫిలిమ్స్ సంస్థ నిర్మించింది. తెలుగులో రిషబ్ కు ఇదే తొలి భారీ విజయం. టాలీవుడ్ లో ఈ సినిమాను గీతా ఫిలిం డిస్ట్రిబ్యూషన్ కంపెనీపై అల్లు అరవింద్ రిలీజ్ చేశారు. ఈ మూవీ అల్లు అరవింద్ కు భారీగా లాభాలు తెచ్చిపెట్టింది.

Follow us