Kantara – Chapter 1 : రూ.400 కోట్ల క్లబ్ లో కాంతార చాప్టర్-1
Kantara - Chapter 1 : గత గురువారం విడుదలైన ‘కాంతార చాప్టర్-1’(Kantara - Chapter 1) బాక్సాఫీస్ వద్ద సునామీ సృష్టిస్తోంది. రిషబ్ శెట్టి దర్శకత్వం వహించిన ఈ పాన్-ఇండియా చిత్రం ప్రేక్షకుల నుంచి విశేష స్పందన అందుకుంటోంది
- By Sudheer Published Date - 12:20 PM, Wed - 8 October 25
గత గురువారం విడుదలైన ‘కాంతార చాప్టర్-1’(Kantara – Chapter 1) బాక్సాఫీస్ వద్ద సునామీ సృష్టిస్తోంది. రిషబ్ శెట్టి దర్శకత్వం వహించిన ఈ పాన్-ఇండియా చిత్రం ప్రేక్షకుల నుంచి విశేష స్పందన అందుకుంటోంది. విడుదలైన నాలుగు రోజుల్లోనే ఈ సినిమా రూ.400 కోట్ల గ్రాస్ కలెక్షన్లను** దాటినట్లు ట్రేడ్ వర్గాలు వెల్లడించాయి. ఈ ఏడాదిలో ఈ స్థాయికి చేరుకున్న నాలుగో చిత్రం ఇది. అంతకుముందు ‘సైయారా’, ‘ఛావా’, ‘కూలీ’ సినిమాలు ఈ మైలురాయిని చేరుకున్నాయి. ఈ జాబితాలో ఇప్పుడు ‘కాంతార చాప్టర్-1’ కూడా చేరి రికార్డులను తిరగరాస్తోంది.
Sakhi Suraksha : మహిళల కోసం ‘సఖి సురక్ష’ ప్రారంభించబోతున్న కూటమి సర్కార్
ఇండస్ట్రీ అంచనాల ప్రకారం.. ఈ సినిమా ఇప్పటి వరకు రూ.290 కోట్ల నెట్ కలెక్షన్లు సాధించినట్లు తెలుస్తోంది. ఇందులో ముఖ్యంగా హిందీ మార్కెట్లో రూ.100 కోట్ల నెట్ వసూలు ఇవాళ్టితో దాటే అవకాశం ఉందని విశ్లేషకులు చెబుతున్నారు. ఉత్తర భారత ప్రేక్షకులు ఈ సినిమాలోని మైథలాజికల్ నేపథ్యాన్ని, రిషబ్ శెట్టి నటనను విపరీతంగా ప్రశంసిస్తున్నారు. సౌత్ నుండి వచ్చిన ఈ నేటివ్ కథ భారతీయ సాంస్కృతిక మూలాలను చూపుతూ, పాన్-ఇండియా ప్రేక్షకులను ఆకట్టుకుంది.
తెలుగు రాష్ట్రాల్లో కూడా సినిమా రికార్డు స్థాయి వసూళ్లు సాధిస్తోంది. ఇప్పటివరకు రూ.57.40 కోట్ల నెట్ కలెక్షన్లు నమోదు కాగా, కొన్ని సెంటర్లలో హౌస్‌ఫుల్ షోలు కొనసాగుతున్నాయి. ప్రత్యేకంగా విశాఖ, హైదరాబాద్, విజయవాడ, గుంటూరు ప్రాంతాల్లో ‘కాంతార చాప్టర్-1’కు భారీ రిపీట్ ఆడియన్స్ వస్తున్నారు. ట్రేడ్ విశ్లేషకుల ప్రకారం, ప్రస్తుత ట్రెండ్ కొనసాగితే ఈ సినిమా వచ్చే వారం నాటికి రూ.500 కోట్ల గ్రాస్ మార్క్ దాటే అవకాశం ఉంది. ఈ విజయంతో రిషబ్ శెట్టి మరోసారి తన స్థాయిని నిరూపించడమే కాకుండా, భారతీయ సినీ ప్రేక్షకుల హృదయాల్లో ప్రత్యేక స్థానం సంపాదించుకున్నాడు.
