బుల్లితెర పై విషాదం : సీరియల్ నటి నందిని ఆత్మహత్య

Kannada Tv Actor Nandini Cm

• కన్నడ చిత్రసీమలో విషాదం
• బుల్లితెర నటి నందిని ఆత్మహత్య
• నందిని మరణానికి ప్రధాన కారణాలలో వృత్తిపరమైన ఒత్తిడి

కన్నడ బుల్లితెర నటి నందిని ఆత్మహత్య ఉదంతం సినీ పరిశ్రమతో పాటు సామాన్యులను కూడా తీవ్ర దిగ్భ్రాంతికి గురిచేసింది. కేవలం 26 ఏళ్ల వయసులోనే ఆమె తీసుకున్న ఈ కఠిన
నిర్ణయం అందర్నీ దిగ్బ్రాంతికి గురి చేస్తుంది. నందిని మరణానికి ప్రధాన కారణాలలో వృత్తిపరమైన ఒత్తిడి ప్రముఖంగా కనిపిస్తోంది. 2023లో ప్రభుత్వ ఉద్యోగి అయిన ఆమె తండ్రి మరణించడంతో, కారుణ్య నియామకం కింద ఆ ఉద్యోగాన్ని స్వీకరించాలని కుటుంబ సభ్యులు ఆమెపై ఒత్తిడి తెచ్చారు. అయితే, నందినికి చిన్నప్పటి నుండి నటన (Acting) అంటే ఎనలేని మక్కువ. స్థిరమైన ప్రభుత్వ ఉద్యోగం కంటే, కళాకారిణిగా తనను తాను నిరూపించుకోవాలని ఆమె ఆరాటపడ్డారు. తనకు ఇష్టం లేని పనిని బలవంతంగా చేయాల్సి రావడం ఆమెను తీవ్ర మానసిక కుంగుబాటుకు గురిచేసింది.

Kannada Tv Actor Nandini

కెరీర్ పరమైన ఇబ్బందులతో పాటు, ఆమె కొన్ని ఆరోగ్య సమస్యలతో కూడా సతమతమవుతున్నట్లు లేఖలో వెల్లడించారు. దీనికి తోడు, కుటుంబ సభ్యులు ఆమెకు పెళ్లి చేయాలని ఒత్తిడి చేయడం ఆమెపై మరింత భారాన్ని పెంచింది. తన కలలను వదులుకుని, ఇష్టం లేని ఉద్యోగం చేస్తూ, పెళ్లి బంధంలోకి వెళ్లడం ఆమెకు ఇష్టం లేకపోయింది. ఈ సమస్యలన్నీ చుట్టుముట్టడంతో, తట్టుకోలేక ఆమె తన ప్రాణాలను తీసుకున్నట్లు తెలుస్తోంది. యువత తమ ఇష్టాలను చంపుకుని జీవించడం ఎంతటి దారుణానికి దారితీస్తుందో ఈ ఘటన మరోసారి నిరూపించింది.

Follow us