Devara Glimpse: ఎన్టీఆర్ దేవర గ్లింప్స్ వచ్చేసింది.. ఎర్ర సముద్రంలో పవర్ ఫుల్ యాక్షన్!
- By Balu J Published Date - 06:20 PM, Mon - 8 January 24
Devara Glimpse: ఈ ఏడాది విడుదల కాబోయే సినిమాల్లో జూనియర్ ఎన్టీఆర్- కొరటాల సినిమా ఒకటి. ఎన్టీఆర్ హీరోగా నటిస్తున్న సినిమా ‘దేవర’. కొరటాల శివ దర్శకుడు. ఎప్పుడెప్పుడు ఈ సినిమా నుంచి అప్డేట్ వస్తుందా? అని ఎదురు చూసిన అభిమానుల ఆశలు నెరవేరాయి. సోమవారం ‘దేవర’ గ్లింప్స్ను చిత్ర బృందం విడుదల చేసింది. రెండు భాగాలుగా రానున్న ఈ సినిమా ఫస్ట్ పార్ట్ ఈ ఏడాది ఏప్రిల్ 5న ప్రేక్షకుల ముందుకు రానుంది.
ముందుగా అదిరిపోయే బ్యాగ్రౌండ్ మ్యూజిక్ తో వీడియో స్టార్ట్ అయింది. అనిరుథ్ అందించిన మ్యూజిక్ ఈ గ్లింప్స్ ను నెక్స్ట్ లెవెల్ కు తీసుకెళ్లింది అనడంలో ఎలాంటి అతిశయోక్తి లేదు. సముద్రంలో పడవల్లో వెళ్తున్నట్లు చూపించి కొన్ని కంటైనర్ లను దొంగిలించినట్లు చూపించారు. ఈక్రమంలోనే యంగ్ టైగర్ లుంగీ కట్టుకుని చేత కత్తి పట్టుకుని వచ్చి చేసిన ఫైట్ అయితే మరింత అదిరిపోయింది.
వినల్లను పొడిచి వచ్చి అదే కత్తిని సముద్రపు నీటిలో కడగడం.. ఆ నీరంతా ఎర్రగా మారిపోవడం మరింత హైలెట్ గా నిలిచింది. ఈ సముద్రం చాపల కంటే కత్తుల్ని, నెత్తురనే ఎక్కువ చూసుండాది.. అందుకేనేమో దీన్ని ఎర్ర సముద్రం అని అంటారు అంటూ డైలాగ్ చెబుతుండగా.. హీరో బ్యాక్ సైడ్ వ్యూ చూపించారు. సముద్రం వైపు తిరిగ ఎట్టీఆర్ కూర్చోగా.. అలలు ఉరకలెత్తుతూ కనిపిస్తాయి.
దేవర నుంచి విడుదలైన గ్లింప్స్ మూవీపై హైప్ను మరింత పెంచింది. ఎన్టీఆర్ ఫ్యాన్స్కు పండగలా ఉంటుందని భావిస్తున్నారు. భారీ యాక్షన్ సీన్స్ ఉంటాయని అర్థమవుతోంది. అలాగే గ్లింప్స్ చివరన ఎన్టీఆర్ చెప్పిన డైలాగ్స్ అభిమానుల మైండ్ల నుంచి పోయేలా లేదు. ఎంతుకంటే అంత పవర్ఫుల్గా ఉన్నాయి ఆ డైలాగ్స్. ఇప్పటి వరకు దేవర సినిమా గురించి చెప్పిందంతా నిజమే అని ఈ ఒక్క గ్లింప్స్ను చూస్తే అర్థం అవుతోంది. ఇక బాలీవుడ్ బ్యూటీ జాన్వీ కపూర్ హీరోయిన్ గా నటిస్తుండటంతో ఈ మూవీపై భారీ అంచనాలు నెలకొన్నాయి.
Related News
Devara – Game Changer : దేవర, గేమ్ ఛేంజర్కి బాలీవుడ్డే దిక్కు.. లేకుంటే భారీ నష్టాలు..
దేవర, గేమ్ ఛేంజర్కి బాలీవుడ్డే దిక్కు. ఒకవేళ ఈ రెండు చిత్రాలు హిందీ ఆడియన్స్ ని ఆకట్టుకోలేకపోయాయి అంటే..