Prabhas: ప్రభాస్ లాంటి అందగాడ్ని చాలామంది అమ్మాయిలు రిజెక్ట్ చేశారా.. నిజమేనా!
- By Balu J Published Date - 12:27 PM, Mon - 6 May 24
Prabhas: టాలీవుడ్ రెబల్ స్టార్ ప్రభాస్ క్రేజ్ గురించి ప్రత్యేకంగా చెప్పాల్సిన అవసరమే లేదు. ఈ హీరోకు ప్రపంచవ్యాప్తంగా అభిమానులున్నారు. అందులో సినీ స్టార్స్ కూడా ఉన్నారు. ఈ స్టార్ ను ఇష్టపడనివారు ఉండరు. అయితే ఈ హీరో తన గత సంబంధాల గురించి మాట్లాడిన పాత వీడియో ఒకటి వైరల్ అవుతోంది. ఈ స్టార్ నటుడి పాత ఇంటర్వ్యూలోని ఒక భాగం ఇన్ స్టాలో వైరల్ గా మారింది. ఇందులో ప్రభాస్ తన జీవితంలో చాలా తిరస్కరణలు ఎదుర్కొన్నానని అంగీకరించాడు. పాన్ ఇండియా నటుడి ప్రపోజల్ ను రిజెక్ట్ చేశారా అంటూ కామెంట్ సెక్షన్ లో తోటి నటుల పేర్లతో అభిమానులు కామెంట్లు చేస్తున్నారు.
తన సంబంధాలపై అనేక ఊహాగానాలను బాహుబలి స్టార్ తోసిపుచ్చాడు. ‘డార్లింగ్’ సినిమా విడుదల సమయంలో కాజల్ తో, ఆ తర్వాత అనుష్క శెట్టితో రిలేషన్ షిప్ లో ఉన్నాడని, ఇటీవల కృతి సనన్ కు జోడీగా నటించాడని పుకార్లు వచ్చాయి. ఈ పుకార్లలో ఎలాంటి నిజం లేదని పలు సందర్భాల్లో స్పష్టం చేశారు. ప్రస్తుతం ‘కల్కి 2898 ఏడీ’ అనే సైన్స్ ఫిక్షన్ మూవీతో బిజీగా ఉన్న ఈ నటుడు సందీప్ రెడ్డి వంగా, ప్రశాంత్ నీల్ లతో ప్రాజెక్ట్స్ అనౌన్స్ చేశారు.
