Indian Movie : రేపటి నుండి నెట్ ఫ్లెక్సీ లో ‘భారతీయుడు’ స్ట్రీమింగ్

టైటిల్ చూసి అదేంటి మొన్ననే విడుదలైంది కదా..అంత త్వరగా స్ట్రీమింగ్ కావడం ఏంటి అనుకుంటున్నారా..? ఇక్కడ ఒకటి గమనించాలి.. నెట్ ఫ్లెక్సీ లో స్ట్రీమింగ్ కాబోయేది భారతీయుడు 2 (Indian 2) కాదు 1996 లో వచ్చిన భారతీయుడు. కమల్ హాసన్ – శంకర్ కలయికలో ఏ ఆర్ రెహమాన్ సంగీత సారథ్యంలో వచ్చిన ‘భారతీయుడు’ (Indian Movie) మూవీ ఎంత పెద్ద విజయం సాధించిందో తెలియంది కాదు చందు , సేనాపతి గా కమల్ నట విశ్వరూపం చూపించాడు. విడుదలైన అన్ని భాషల్లో ఈ మూవీ బ్లాక్ బస్టర్ టాక్ సొంతం చేసుకోవడమే కాదు కలెక్షన్స్ వర్షం కురిపించింది. అలాంటి సినిమా కు సీక్వెల్ గా వచ్చిన భారతీయుడు 2 మాత్రం అంతగా ఆకట్టుకోలేకపోయింది.

We’re now on WhatsApp. Click to Join.

మొదటి రోజు మొదటి ఆట తోనే నెగిటివ్ టాక్ సొంతం చేసుకొని అభిమానులను నిరాశకు గురిచేసింది. సినిమా టాక్ మూలంగా కలెక్షన్స్ కూడా బాగా డ్రాప్ అవుతున్నాయి. ఈ క్రమంలో నెట్ ఫ్లెక్సీ ‘భారతీయుడు’ సినిమాను రేపు (జులై 15) నుండి స్ట్రీమింగ్ చేస్తున్నట్లు ప్రకటించింది. ఎలాగూ భారతీయుడు 2 బాగోలేదంటున్నారు కాబట్టి ఖచ్చితంగా భారతీయుడు కొంతమందైనా వెతుక్కుని చూస్తారు. వాళ్లని క్యాష్ చేసుకుందామనేది నెట్ ప్లిక్స్ ఐడియా. ఇక ఇప్పుడు ఇండియన్-2 సినిమాను అర్థం చేసుకోవాలంటే తొలుత ఇండియన్ సినిమాను చూడాల్సిందే అని ప్రముఖ ఓటిటి ప్లాట్ ఫాం నెట్ ఫ్లిక్స్ అంటోంది. మరి భారతీయుడు ను ఎంత మంది చూస్తారో చూడాలి.

Read Also  : Black Thread: కాలికి నల్ల దారం ఎందుకు కట్టుకుంటారో మీకు తెలుసా?