War 2 : వార్ 2 యాక్షన్ సీక్వెన్స్ కోసం.. మార్వెల్ మూవీ స్టంట్ మాస్టర్..

War 2 : బాలీవుడ్ స్టార్ హీరో హృతిక్ రోషన్ తో కలిసి టాలీవుడ్ స్టార్ హీరో ఎన్టీఆర్.. సూపర్ హిట్ సీక్వెల్ ‘వార్ 2’లో నటిస్తున్న సంగతి తెలిసిందే. అయాన్‌ ముఖర్జీ డైరెక్ట్ చేస్తున్న ఈ మూవీ షూటింగ్ శరవేగంగా చిత్రీకరణ జరుపుకుంటుంది. ఇటీవలే ఎన్టీఆర్ కూడా ఈ మూవీ సెట్స్ లోకి అడుగుపెట్టి ఓ షెడ్యూల్ ని పూర్తి చేసారు. ఈ షెడ్యూల్ లో యాక్షన్ పార్ట్ ని చిత్రీకరించినట్లు సమాచారం. ఇక ఈ యాక్షన్ సీక్వెన్స్ ని తెరకెక్కించడం కోసం మార్వెల్ మూవీ స్టంట్ మాస్టర్ ని తీసుకు వచ్చారట.

మార్వెల్ సినిమాటిక్ యూనివర్స్ లో వచ్చిన ‘కెప్టెన్‌ అమెరికా: సివిల్‌ వార్‌’ మరియు ‘ఫాస్ట్‌ ఎక్స్‌’ వంటి సినిమాలకు యాక్షన్ పార్ట్ ని డిజైన్ చేసిన ‘స్పిరో రజాటోస్‌’ని.. వార్ 2 సినిమా కోసం తీసుకు వచ్చారట. ఈ మూవీ ఎన్టీఆర్ అండ్ హృతిక్ పై వచ్చే యాక్షన్ పార్ట్ ని ఇప్పటివరకు చూడని విధంగా చూపించడం కోసం ప్రత్యేకంగా డిజైన్ చేస్తున్నారట. ఈక్రమంలోనే స్పిరో రజాటోస్‌ ని తీసుకు వచ్చినట్లు సమాచారం. మరి మూవీలో ఈ యాక్షన్ పార్ట్ ఎలా ఉండబోతుందో చూడాలి.

కాగా ఈ మూవీలో ఎన్టీఆర్ రా ఏజెంట్ గా కనిపించబోతున్నారు. మూవీలో ఈ పాత్ర కొంత సమయం మాత్రమే కనిపించనుంది. ఇక ఈ సినిమా తరువాత ఈ పాత్రతోనే ఓ సపరేట్ ఫిలింని ఎన్టీఆర్ తో ప్లాన్ చేసారు. ఇక వార్ 2 విషయానికి వస్తే.. జాన్ అబ్రహం విలన్ గా చేస్తున్న ఈ సినిమాలో కియారా అద్వానీ, శార్వరి హీరోయిన్స్ గా కనిపించబోతున్నారు. నెక్స్ట్ ఇయర్ ఆగస్టు 14న ఈ సినిమాని విడుదల చేయనున్నారు.

మరి ఈ మూవీతో బాలీవుడ్ ఎంట్రీ ఇస్తున్న ఎన్టీఆర్.. ఎలాంటి సక్సెస్ ని అందుకుంటారో చూడాలి. ఆర్ఆర్ఆర్ సినిమాతో అక్కడ మంచి ఫ్యాన్ ఫాలోయింగ్ నే సంపాదించుకున్నారు. మరి వార్ 2తో ఆ ఫాలోయింగ్ ని మరింత పెంచుకుంటారేమో చూడాలి.