Chandramukhi 2 : చంద్రముఖి 2 నుండి ‘స్వాగ‌తాంజ‌లి…’ అనే లిరికల్ సాంగ్ రిలీజ్

చంద్రముఖి (Chandramukhi ) ..ఈ సినిమా గురించి ప్రత్యేకంగా చెప్పాల్సిన పనిలేదు. 2005 పి వాసు డైరెక్షన్లో రజనీకాంత్ , నయనతార , జ్యోతిక , ప్రభు కలయికలో వచ్చిన ఈ మూవీ ఎంతటి సంచలనం సృష్టించిందో చెప్పాల్సిన పనిలేదు. బాక్స్ ఆఫీస్ వద్ద కాసుల వర్షం కురిపించింది. ఇక ఇప్పుడు ఈ చిత్రానికి సీక్వెల్ గా చంద్రముఖి 2 రాబోతుంది. ప్రముఖ డైరెక్టర్ , నటుడు , మ్యూజిక్ డైరెక్టర్ అయినా రాఘవ లారెన్స్ (Ragava) ప్రధాన పాత్రలో తెరకెక్కుతుండగా బాలీవుడ్ క్వీన్ కంగనా (Kangana ) హీరోయిన్ గా నటిస్తుంది. ఇప్పటికే ఈ సీక్వెల్ తాలూకా ఫస్ట్ లుక్ వచ్చి సినిమా పి అంచనాలు పెంచగా..శుక్రవారం సినిమాలోని ‘స్వాగ‌తాంజ‌లి…’ అనే లిరికల్ సాంగ్ ను మేకర్స్ రిలీజ్ చేసారు.

ఈ సాంగ్ లో రాజనర్తకిగా కంగనా డాన్స్ చేయటాన్ని చూడొచ్చు. ఆస్కార్ విన్న‌ర్ ఎం.ఎం.కీర‌వాణి (Keeravani) సంగీత సార‌థ్యంలో ఈ పాట విన‌సొంపుగా ఉంది. శ్రీనిధి తిరుమ‌ల పాడిన ఈ పాట‌ను చైత‌న్య ప్రసాద్ రాశారు. ఇతర ముఖ్యమైన పాత్రల్లో వ‌డివేలు, ల‌క్ష్మీ మీన‌న్‌, మ‌హిమా నంబియార్‌, రాధికా శ‌ర‌త్ కుమార్‌, విఘ్నేష్‌, వై.జి.మ‌హేంద్ర‌న్ .. రావు ర‌మేష్‌, సురేశ్ మీన‌న్‌ కనిపించనున్నారు. ఈ సినిమాకి ఆర్‌.డి.రాజ‌శేఖ‌ర్ సినిమాటోగ్ర‌ఫీ అందిస్తున్నారు. జాతీయ అవార్డ్ గ్ర‌హీత తోట త‌ర‌ణి ప్రొడ‌క్ష‌న్ డిజైన‌ర్‌, ఆంథోని ఎడిట‌ర్‌గా వ‌ర్క్ చేస్తున్నారు. ‘వినాయ‌క చ‌వితి’కి ప్ర‌పంచవ్యాప్తంగా ఈ సినిమాను విడుదల చేస్తున్నారు.

Read Also : Rushikonda : ఉత్తరాంధ్ర భూములు, ఆస్తులపై వైసీపీ నేతల కళ్లు పడ్డాయి – పవన్ కళ్యాణ్