Bheemla Nayak: ‘భీమ్లా నాయక్’ ట్రైలర్ రివ్యూ..!

ప్రపంచ వ్యాప్తంగా పవర్ స్టార్ పవన్ కళ్యాణ్ ఎంతో ఈగర్ గా వెయిట్ చేస్తున్న మూవీ ‘భీమ్లా నాయక్’. సితార ఎంటర్టైన్మెంట్ బ్యానర్లో సూరదేవర నాగవంశీ నిర్మాతగా భారీ బడ్జెట్ తో తెరకెక్కించారు. సాగర్ కే చంద్ర దర్శకత్వం వహించిన ఈ చిత్రానికి… మాటల మాంత్రికుడు త్రివిక్రమ్ శ్రీనివాస్ మాటలు, స్క్రీన్ ప్లే అందించారు. పవన్ కు ప్రత్యర్ధి పాత్రలో రానా దగ్గుబాటి నటించారు. ఇక ‘భీమ్లా నాయక్’ మూవీ ఈనెల 25న విడుదల కానుండగా… సోమవారం రాత్రి 9 గంటలకు థియేట్రికల్ ట్రైలర్ ను విడుదల చేశారు.

ఈ ట్రైలర్ కోసం పవన్ ఫ్యాన్స్ ఎప్పటినుంచో ఎదురుచూస్తున్న సంగతి తెలిసిందే. ట్రైలర్ అలా విడుదలయిందో లేదో… ఇక ఫ్యాన్స్ తమ ఫైర్ ను చూపించారు. సోషల్ మీడియాలో ట్రెండింగ్ లో నెంబర్ 1 పొజిషన్ లో ట్రెండ్ చేస్తున్నారు. పాత రికార్డులను చెరిపివేస్తూ… కొత్త రికార్డులను నమోదు చేయిస్తున్నారు పవర్ స్టార్ ఫ్యాన్స్. ఈ ఆర్టికల్ రాసే సమయానికి 12 గంటల్లో రికార్డు స్థాయిలో 78 లక్షల వ్వ్యూస్, 9.6 లక్షల లైక్స్ తో పాటు, 70 వేల కామెంట్స్ తో దూసుకుపోతోంది ‘భీమ్లా నాయక్’ ట్రైలర్.

ఇక ‘భీమ్లా నాయక్’ ట్రైలర్ లో ‘నాయక్… నీ ఫ్యాన్స్ వెయిటింగ్ ఇక్కడ’ అంటూ రానా దగ్గుబాటి పలికిన డైలాగ్ ఆకట్టుకునేలా ఉంది. అంతేకాదు, ‘నేను ఇవతల ఉంటేనే చట్టం… అవతలకి వస్తే కష్టం… వాడికి !’ అంటూ పవర్ స్టార్ పవన్ కళ్యాణ్ పవర్ ఫుల్ గా చెప్పిన డైలాగ్… మాటల మాంత్రికుడు త్రివిక్రమ్ మార్కును చూపెడుతోంది. ఇవే కాదు, ట్రైలర్ లో ఉన్న డైలాగులు చూస్తుంటే… సినిమా ఓ రేంజ్ లో ఉంటుందని అర్దమవుతోంది.

‘భీమ్లా నాయక్’ సినిమాను ఇద్దరు వ్యక్తుల మధ్య నెలకొన్న ఇగో తో తెరకెక్కించారు. పవన్ – రానా లు పోటీపడి నటించినట్లు మూవీ ట్రైలర్ చూస్తే అర్దమవుతోంది. ఇప్పటికే ‘భీమ్లా నాయక్’ చిత్రానికి పిచ్చ హైప్ క్రియేట్ కావడంతో…. ఇక సినిమా విడుదల తర్వాత రచ్చరచ్చే ఉండనుంది. రికార్డు స్థాయిలో బిజినెస్ జరిపిన ‘భీమ్లా నాయక్’ చిత్రం… విడుదల తర్వాత కలెక్షన్స్ కుమ్మేయడం ఖాయమని చిత్ర నిర్మాత నాగవంశీ ధీమాతో ఉన్నారు. మరి ‘భీమ్లా నాయక్’ విడుదల తర్వాత ఎలాంటి రికార్డులను నెలకొల్పుతుందో అన్నది వేచి చూడాలి.