Truth Bomb : ట్రూత్ బాంబ్.. వీడియో రిలీజ్ చేసిన వైసీపీ
Truth Bomb : వీడియోలో బ్లూ షర్ట్ వేసుకున్న వ్యక్తి సత్యవర్ధన్ అని, అతడిని వల్లభనేని వంశీ కిడ్నాప్ చేశారని పోలీసులు ఆరోపిస్తున్నప్పటికీ
- By Sudheer Published Date - 08:06 PM, Wed - 26 February 25

సత్యవర్ధన్ కిడ్నాప్ (Satyavardhan Kidnapped) కేసులో నిజం ఏంటనేదాన్ని బయటపెట్టేలా వైఎస్సార్ కాంగ్రెస్ పార్టీ (YCP) ‘ట్రూత్ బాంబ్’ (Truth Bomb) పేరుతో ఓ వీడియోను విడుదల చేసింది. ఈ వీడియోలో బ్లూ షర్ట్ వేసుకున్న వ్యక్తి సత్యవర్ధన్ అని, అతడిని వల్లభనేని వంశీ కిడ్నాప్ చేశారని పోలీసులు ఆరోపిస్తున్నప్పటికీ, ఈ వీడియో చూస్తే అసలు నిజాలు మరొక విధంగా ఉన్నాయని వైసీపీ చెబుతోంది.
వైసీపీ విడుదల చేసిన ఈ వీడియోలో ఫిబ్రవరి 12న విశాఖపట్నంలో సత్యవర్ధన్ (Satyavardhan ) స్వేచ్ఛగా షాపింగ్ చేస్తూ కనిపిస్తున్నట్లు చూపించారు. ఇది చూస్తే అతడు కిడ్నాప్ అయినట్లు ఏమాత్రం అనిపించడం లేదని, పోలీసులు తప్పుడు కేసు పెట్టారని వైసీపీ ఆరోపించింది. ఈ వీడియోను ఆధారంగా చూపిస్తూ, అధికారపార్టీ అసత్య ఆరోపణలు చేస్తోందని వైసీపీ నాయకులు విమర్శిస్తున్నారు.
ఈ వీడియో వివాదాస్పదంగా మారింది. సత్యవర్ధన్ నిజంగా కిడ్నాప్ అయ్యాడా? లేదా, రాజకీయ కుతంత్రాల నేపథ్యంలో ఈ వ్యవహారాన్ని వక్రీకరించారా? అనే ప్రశ్నలు ఉత్కంఠ రేపుతున్నాయి. ఈ వీడియోపై అధికార టీడీపీ, పోలీసులు ఎలా స్పందిస్తారనేది ఆసక్తికరంగా మారింది. ఈ కేసులో అసలు నిజాలు బయటకు రావాలంటే, పోలీసులు మరింత లోతుగా దర్యాప్తు చేయాల్సిన అవసరం ఉందని రాజకీయ విశ్లేషకులు అభిప్రాయపడుతున్నారు.
💣 Truth Bomb 💣
సత్యమేవ జయతే
తీవ్ర అధికార దుర్వినియోగానికి పాల్పడుతూ, తప్పుడు కేసులు, అక్రమ నిర్బంధాలతో చట్టాన్ని, న్యాయవ్యవస్థలను అపహాస్యం చేస్తున్న @ncbn సర్కారు తీరుకు నిలువెత్తు నిదర్శనం ఇది.
ఈ వీడియోలో బ్లూషర్ట్ వేసుకున్న వ్యక్తే సత్యవర్థన్. వల్లభనేని వంశీ కిడ్నాప్… pic.twitter.com/pAa5VMknV9— YSR Congress Party (@YSRCParty) February 26, 2025