Passbook : ఆగస్టు 15 నుంచి కొత్త పాస్ బుక్స్ పంపిణీ!

ఆంధ్రప్రదేశ్ ప్రభుత్వం (AP Govt) రైతులకు శుభవార్త తెలిపింది. గతంలో ఉన్న పట్టాదారు పుస్తకాల స్థానంలో కొత్తగా రాజముద్రతో కూడిన పట్టాదారు పాస్‌బుక్స్‌(Pass Books )ను పంపిణీ చేయనుంది. ఈ ప్రక్రియ ఆగస్టు 15న స్వాతంత్ర్య దినోత్సవం సందర్భంగా ప్రారంభమవుతుందని తెలుస్తోంది. ఈ కొత్త పాస్‌బుక్స్‌ పంపిణీ తొలి విడతగా ఆగస్టు 15 నుంచి 31వ తేదీ వరకు కొనసాగనుంది. ఇందులో భాగంగా ఎంపిక చేసిన కొంతమంది రైతులకు కొత్త పాస్‌బుక్స్‌ను ప్రభుత్వం అందించనుంది. ఈ మార్పు రైతులకు ఎంతో ఉపయోగపడుతుందని, వారి భూములకు మరింత భద్రత కల్పిస్తుందని ప్రభుత్వం పేర్కొంది.

10th Class Exams : పదో తరగతి పరీక్షలపై ప్రభుత్వం కీలక నిర్ణయం

గతంలో వైఎస్సార్సీపీ ప్రభుత్వం అధికారంలో ఉన్నప్పుడు అప్పటి ముఖ్యమంత్రి వైఎస్ జగన్ మోహన్ రెడ్డి (Jagan) ఫోటోతో ఉన్న పాస్‌బుక్స్‌ను పంపిణీ చేసింది. ఇప్పుడు అధికారంలోకి వచ్చిన టీడీపీ ప్రభుత్వం ఆ పాస్‌బుక్స్‌ స్థానంలో రాజముద్రతో కూడిన కొత్త పాస్‌బుక్స్‌ను రూపొందించింది. ఈ మార్పు రాజకీయంగా కూడా ప్రాధాన్యత సంతరించుకుంది. పార్టీల చిహ్నాలకు బదులుగా ప్రభుత్వ అధికారిక చిహ్నమైన రాజముద్రను ఉపయోగించడం ద్వారా ప్రభుత్వ పథకాలకు రాజకీయ రంగు పులమకుండా చూసే ప్రయత్నంగా దీనిని భావించవచ్చు. ఈ కొత్త పాస్‌బుక్స్‌ రైతుల భూమి రికార్డులను మరింత పారదర్శకంగా, సురక్షితంగా ఉంచడానికి తోడ్పడతాయి.

MP Avinash Reddy Arrest : MP అవినాశ్ రెడ్డి అరెస్ట్

ఈ కొత్త పాస్‌బుక్స్‌ పంపిణీ మొత్తం 20 లక్షల మందికి పైగా రైతులకు అందించాలని ప్రభుత్వం లక్ష్యంగా పెట్టుకుంది. ఈ ప్రక్రియను దశలవారీగా చేపట్టాలని నిర్ణయించింది. మొదటి దశలో పాస్‌బుక్స్‌ అందుకున్న రైతులు సంతోషం వ్యక్తం చేస్తున్నారు. కొత్త పాస్‌బుక్స్ తమ భూమి హక్కులకు ఒక అధికారిక గుర్తింపుగా ఉంటాయని భావిస్తున్నారు. ఈ చర్యతో భూ రికార్డుల నిర్వహణలో సమగ్రత, పారదర్శకత పెరుగుతాయని ప్రభుత్వం ఆశిస్తోంది. అలాగే, ఈ కొత్త పాస్‌బుక్స్‌ పంపిణీతో రైతులు తమ భూములకు సంబంధించిన వ్యవహారాలను సులభంగా నిర్వహించుకోవచ్చని అధికారులు తెలిపారు.