తొందర పడొద్దంటూ చంద్రబాబు, పవన్ నిర్ణయం
బుధువారం జరిగిన రెండు గంటల సుదీర్ఘ భేటీలో, రాష్ట్రంలో కులాల మధ్య చిచ్చు పెట్టేందుకు ప్రతిపక్ష వైఎస్ఆర్ కాంగ్రెస్ పార్టీ (YCP) కుట్రలు చేస్తోందని ఇద్దరు నేతలు అభిప్రాయపడ్డారు. రాజకీయ ప్రయోజనాల కోసం రెండు ప్రధాన సామాజిక వర్గాల మధ్య విభేదాలు సృష్టించడం ద్వారా రాష్ట్రంలో అశాంతిని కలిగించే ప్రయత్నం జరుగుతోందని వారు ఆందోళన వ్యక్తం చేశారు
- Author : Sudheer
Date : 04-02-2026 - 8:09 IST
Published By : Hashtagu Telugu Desk
Chandrababu – Pawan Kalyan Meeting : ఆంధ్రప్రదేశ్ రాజకీయాల్లో ప్రస్తుతం నెలకొన్న సున్నితమైన పరిస్థితుల దృష్ట్యా ముఖ్యమంత్రి నారా చంద్రబాబు నాయుడు, ఉప ముఖ్యమంత్రి పవన్ కళ్యాణ్ తీసుకున్న నిర్ణయం అత్యంత ప్రాధాన్యత సంతరించుకుంది. బుధువారం జరిగిన రెండు గంటల సుదీర్ఘ భేటీలో, రాష్ట్రంలో కులాల మధ్య చిచ్చు పెట్టేందుకు ప్రతిపక్ష వైఎస్ఆర్ కాంగ్రెస్ పార్టీ (YCP) కుట్రలు చేస్తోందని ఇద్దరు నేతలు అభిప్రాయపడ్డారు. రాజకీయ ప్రయోజనాల కోసం రెండు ప్రధాన సామాజిక వర్గాల మధ్య విభేదాలు సృష్టించడం ద్వారా రాష్ట్రంలో అశాంతిని కలిగించే ప్రయత్నం జరుగుతోందని వారు ఆందోళన వ్యక్తం చేశారు. ఈ నేపథ్యంలోనే ప్రభుత్వం మరియు కూటమి పార్టీలు అత్యంత అప్రమత్తంగా ఉండాలని వారు తీర్మానించారు.
Chandrababu Pawan Kalyan
ముఖ్యంగా తెలుగుదేశం మరియు జనసేన పార్టీల నేతలు, కార్యకర్తలు ఎవరూ కూడా తొందరపడి వివాదాస్పద వ్యాఖ్యలు చేయవద్దని అధినాయకత్వం గట్టిగా ఆదేశించింది. భావోద్వేగాలకు లోనై చేసే చిన్న పొరపాటు కూడా ప్రత్యర్థులకు ఆయుధంగా మారుతుందని, అది రాష్ట్ర ప్రయోజనాలకు విఘాతం కలిగిస్తుందని చంద్రబాబు, పవన్ స్పష్టం చేశారు. సోషల్ మీడియా వేదికగా గానీ, బహిరంగ సభల్లో గానీ ఇతర కులాలను లేదా వర్గాలను కించపరిచేలా మాట్లాడకూడదని, క్యాడర్ అంతా సంయమనంతో వ్యవహరిస్తూ కేవలం అభివృద్ధి, పరిపాలనపైనే దృష్టి పెట్టాలని వారు సూచించారు.
రాష్ట్ర పునర్నిర్మాణంలో శాంతిభద్రతలు అత్యంత కీలకమని, కులాల మధ్య ఘర్షణలు వాతావరణాన్ని దెబ్బతీస్తాయని ఈ భేటీ సారాంశం. విపక్షం వేస్తున్న ఎత్తుగడలను చిత్తు చేయాలంటే ప్రతిస్పందన కంటే ఆలోచన ముఖ్యం అని ఇద్దరు నేతలు భావిస్తున్నారు. ఈ మేరకు అటు టీడీపీ, ఇటు జనసేన శ్రేణులకు స్పష్టమైన మార్గదర్శకాలు జారీ అయ్యాయి. సంక్షేమ పథకాలు మరియు అభివృద్ధి కార్యక్రమాల ద్వారా ప్రజల్లోకి వెళ్లాలి తప్ప, అనవసర వివాదాల్లోకి వెళ్లి ప్రతిపక్షాల ట్రాప్లో పడొద్దని వారు తమ శ్రేణులను హెచ్చరించారు.
Follow us
