CBN Bail: వీడిన చంద్ర గ్రహణం, సాయంత్రం 5 గంటల తర్వాత చంద్రబాబు రిలీజ్!
స్కిల్ కేసులో అరెస్ట్ అయిన టీడీపీ అధినేత నారా చంద్రబాబు నాయుడు కు మధ్యంతర బెయిల్ వచ్చింది.
- By Balu J Published Date - 11:37 AM, Tue - 31 October 23
CBN Bail: స్కిల్ కేసులో అరెస్ట్ అయిన టీడీపీ అధినేత నారా చంద్రబాబు నాయుడు కు ఏపీ హైకోర్టు మధ్యంతర బెయిల్ మంజూరు చేసింది. దాదాపు 53 రోజుల తర్వాత ఆయన విడుదల కాబోతున్నారు. అధికారుల సమచారం ప్రకారం సాయంత్రం 5 గంటల తర్వాత ఆయన విడుదల అయ్యే అవకాశాలున్నాయి. CBN విడుదల కాగానే… రాజమహేంద్రవరం విమానాశ్రయం నుంచి ప్రత్యేక విమానంలో తిరుపతికి వెళ్లనున్నాడు. ఆ తర్వాత హైదరాబాద్ ఆసుపత్రికి తరలించేందుకు ఏర్పాట్లు జరుగుతున్నట్టు విశ్వసనీయ సమాచారం.
కండీషన్స్ ఇవే
చంద్రబాబుకు షరతులతో కూడిన నాలుగు వారాల మధ్యంతర బెయిల్ ను హైకోర్ట్ ఇస్తూ షరత్తులు విధించింది
– ఎటువంటి రాజకీయ కార్యకలాపాల్లో పాల్గొన కూడదు…
– కేసుకు సంబంధించిన సాక్షులను ప్రభావితం చేయకూడదు…
– ఆరోగ్య కారణాలతో మంజూరు చేసిన బెయిల్ కాబట్టి, ఇల్లు, ఆసుపత్రికి మాత్రమే పరిమితం కావాల్సి ఉంటుంది…
