AP PRC: పీఆర్సీపై భవిష్యత్ కార్యాచరణకు ఉద్యోగ సంఘాలు భేటీ!

Ap Employess

ప్రభుత్వం ఇటీవల ప్రకటించిన కొత్త పీఆర్సీకి వ్యతిరేకంగా ఆంధ్రప్రదేశ్ ఉద్యోగుల సంఘాలు సమావేశమయ్యాయి. విజయవాడలోని ఎన్జీవో హోంలో ఏపీ జేఏసీ, ఏపీ అమరావతి జేఏసీ, ప్రభుత్వ ఉద్యోగుల సంఘం, సచివాలయ ఉద్యోగుల సంఘం అధ్యక్ష, ప్రధాన కార్యదర్శులు సమావేశమయ్యారు. ప్రభుత్వానికి ఈ నెల 24న సమ్మె నోటీసు ఇవ్వాలని నిర్ణయించారు. కాగా, పాత పీఆర్‌సీ ఆధారంగా జనవరి జీతాలు ఇవ్వాలని సీఎస్‌ సమీర్‌ శర్మను ఉద్యోగ సంఘాలు శుక్రవారం అభ్యర్థించనున్నాయి.

ఈ నెల 26న అన్ని తాలూకా కేంద్రాల్లోని అంబేద్కర్ విగ్రహాలకు వినతిపత్రాలు ఇవ్వడంతో పాటు 25న ర్యాలీలు, ధర్నాలు నిర్వహించాలని ఉద్యోగుల సంఘం నిర్ణయించింది. ఈ నెల 27 నుంచి 30వ తేదీ వరకు అన్ని జిల్లా కేంద్రాల్లో రిలే నిరాహార దీక్షలు చేపట్టాలని, ఫిబ్రవరి 3న చలో విజయవాడ కార్యక్రమం చేపట్టాలని కార్మిక సంఘాలు నిర్ణయించాయి.అయితే ఆయా సంఘాలు మళ్లీ మధ్యాహ్నం 3 గంటలకు సచివాలయ సంఘం హాలులో సమావేశం కానున్నాయి. ఉమ్మడి కార్యాచరణ ప్రణాళికపై సంతకం చేస్తుంది. మరోవైపు జీతాల బిల్లులను ప్రాసెస్ చేయబోమని పే అండ్ అకౌంట్స్ ఎంప్లాయీస్ యూనియన్ ట్రెజరీ డైరెక్టర్‌కు లేఖ రాసింది.

Follow us