Aircraft Crashed : కారణం ఏమిటో తెలియదు కానీ.. విమానం ల్యాండ్ కాగానే, దానిపై పైలట్ అదుపు కోల్పోయాడు. దీంతో అది రన్‌వే‌పై బోల్తా పడింది. ఫలితంగా విమానంలోని 18 మందికి గాయాలయ్యాయి. ముగ్గురి పరిస్థితి విషమంగా ఉంది. ఈ ప్రమాద ఘటన కెనడాలోని టొరంటో పియర్‌సన్ అంతర్జాతీయ విమానాశ్రయంలో జరిగింది. అమెరికాలోని మిన్నె పొలిస్‌ నుంచి వచ్చిన డెల్టా ఎయిర్‌లైన్స్‌ విమానం(Aircraft Crashed) ఈ ప్రమాదానికి గురైంది. వెంటనే భద్రతా సిబ్బంది రంగంలోకి దిగి, క్షతగాత్రులను ఆస్పత్రికి తరలించారు. వారికి ప్రస్తుతం చికిత్స జరుగుతోంది.
Also Read :Producer SKN : సరదాగా ఫ్లోలో అన్న మాటలకు వివాదం.. క్లారిటీ ఇచ్చిన నిర్మాత..
మొత్తం 80 మంది
ప్రమాదం బారినపడిన డెల్టా ఎయిర్‌లైన్స్‌ విమానంలో మొత్తం 80 మంది ప్రయాణికులు ఉన్నారు. ఈ ప్రమాదం నేపథ్యంలో టొరంటో పియర్‌సన్ అంతర్జాతీయ విమానాశ్రయానికి తాత్కాలికంగా విమానాల రాకపోకలను ఆపేశారు. ఈ ప్రమాదం కారణంగా 40కిపైగా విమానాల రాకపోకలపై ప్రభావం పడింది. ఆస్పత్రిలో చికిత్స పొందుతున్న వారిలో ఎవరి ప్రాణాలకూ ముప్పు లేదని ఎయిర్‌పోర్టు అధికార వర్గాలు తెలిపాయి. ఈ ప్రమాదానికి సంబంధించిన వీడియోలు వైరల్‌గా మారాయి.
#Update: Delta Airlines plane flips upside down in Toronto crash, 15 wounded.
◾Plane Carrying 80 passenger including 4 Crew flipping upside down on the tarmac at Pearson International Airport.#Toronto #PlaneCrashed #canada #DeltaAirlines #PlaneCrash #USA #Pearson #Minneapolis… pic.twitter.com/30hqAjquza
— DW Samachar (@dwsamachar) February 17, 2025
Also Read :TTD : ముంబైలో పద్మావతి అమ్మవారి ఆలయం కోసం భూమి కేటాయింపునకు టీటీడీ అభ్యర్థన
పెరిగిపోయిన విమాన ప్రమాదాలు
గత కొన్ని నెలలుగా వివిధ దేశాల పరిధిలో విమాన ప్రమాదాలు పెరిగిపోయాయి. ప్రధానంగా బ్రెజిల్, అమెరికాలలో పెద్దసంఖ్యలో ఈ ఘటనలు జరిగాయి. ఈ కారణంతో విమానంలో ప్రయాణించాలంటేనే జనం జంకుతున్నారు. ఇక గత పది రోజుల్లో నాలుగు విమాన ప్రమాదాలు సంభవించాయి. ఈ వేర్వేరు ఘటనల్లో దాదాపు 80 మంది చనిపోయారు ఇటీవలే అమెరికాలోని ఆరిజోనా స్కాటేల్ విమానాశ్రయంలో రెండు ప్రైవేటు జెట్లు ఢీకొన్నాయి. ఈ ప్రమాదంలోో ఒక వ్యక్తి చనిపోయాడు. నలుగురు తీవ్రంగా గాయపడ్డారు. ఈ ప్రమాదాలను మరువకముందే కెనడాలో ల్యాండింగ్ సమయంలో విమానం బోల్తా పడటం ఆందోళనకరం.