Cricket Drink: మిచెల్ షాట్ కు బద్దలయిన బీరు గ్లాస్
ఇంగ్లండ్‌, న్యూజిలాండ్‌ మధ్య జరుగుతున్న రెండో టెస్ట్‌ తొలి రోజు ఆటలో ఓ విచిత్రమైన ఘటన జరిగింది.
- Written By: Naresh Kumar
- Publish Date - June 12, 2022 / 10:19 AM IST
ఇంగ్లండ్‌, న్యూజిలాండ్‌ మధ్య జరుగుతున్న రెండో టెస్ట్‌ తొలి రోజు ఆటలో ఓ విచిత్రమైన ఘటన జరిగింది. టాప్‌ ఫామ్‌లో ఉన్న న్యూజిలాండ్‌ బ్యాటర్‌ డారిల్‌ మిచెల్ కొట్టిన ఓ సిక్స్‌.. స్టాండ్స్‌లో కూర్చొని మ్యాచ్‌ చూస్తున్న ఓ అభిమాని బీర్‌ గ్లాస్‌లో పడింది. 56వ ఓవర్లో ఈ ఫన్నీ ఇన్సిడెంట్ జరిగింది. జాక్‌ లీచ్‌ బౌలింగ్‌లో కాస్త ముందుకు వచ్చి ఆడని మిచెల్.. నేరుగా సిక్స్‌ బాదాడు. అది కాస్తా బుల్లెట్‌ వేగంతో వెళ్లింది. దానిని క్యాచ్‌ పట్టుకోవడానికి కూడా స్టాండ్స్‌లో ఎవరూ ట్రై చేయలేదు. దీంతో నేరుగా ఓ మహిళా అభిమాని పట్టుకున్న బీర్‌ గ్లాస్‌లో పడింది. దీంతో బీర్‌ మొత్తం ఒలికిపోయింది. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇది చూసి ప్లేయర్స్‌, ఫ్యాన్స్‌, చివరికి కామెంటేటర్లు కూడా నవ్వు ఆపుకోలేకపోయారు.
ఈ షాట్‌ను స్లోమోషన్‌లో చూసినప్పుడు బాల్‌ బీర్‌ గ్లాస్‌లో పడటం స్పష్టంగా కనిపించింది. ఆ సమయంలో బౌండరీ దగ్గరే ఉన్న ఇంగ్లండ్‌ ఫీల్డర్‌ మాథ్యూ పాట్స్‌.. స్టాండ్స్‌లో ఏం జరిగిందో తమ ప్లేయర్స్‌కు చెప్పాడు. అయితే ఇక్కడ మరో విశేషం ఏమిటంటే.. తమ బ్యాటర్‌ వల్ల ఆ అభిమాని బీర్‌ ఒలికిపోయింది కాబట్టి.. ఆమెకు న్యూజిలాండ్‌ టీమ్‌ కొత్త బీర్‌ కొనిచ్చింది. ఈ విషయాన్ని ఇంగ్లండ్‌ బార్మీ ఆర్మీ సపోర్ట్స్‌ క్లబ్‌ ట్విటర్‌ ద్వారా చెప్పింది.
What a shot from Daryl Mitchell – hopefully he'll get the guy another pint…#ENGvsNZ pic.twitter.com/uDm7cu3RrN
— Ian McDougall (@IanMcDougall1) June 10, 2022