Canada : కెనడాలో ఖలిస్థానీల దాడులు ఆగడం లేదు. అక్కడ గత కొంతకాలంగా హిందూ ఆలయాలే లక్ష్యంగా వరుస దాడులకు పాల్పడుతున్నారు. తాజాగా సుర్రే లోని శ్రీ లక్ష్మీ నారాయణ ఆలయం పై సిక్కు వేర్పాటువాదులు దాడులు చేశారు. ఖలిస్థానీ జెండాలతో ఏప్రిల్ 19న సర్రేలోని శ్రీ లక్ష్మీ నారాయణ ఆలయం వద్ద వీరంగం సృష్టించారు. స్తంభాలు, ద్వారాలపై ఖలిస్థానీ అనుకూల రాతలు రాశారు. వీరి దాడిలో ఆలయ ప్రవేశ ద్వారం, స్తంభాలు ధ్వంసమైనట్లు ఆలయ అధికారులు తెలిపారు. భక్తుల మనోభావాలు దెబ్బతినే ఇటువంటి ద్వేషపూరిత చర్యలను తాము తీవ్రంగా ఖండిస్తున్నట్లు తెలిపారు.
Read Also: Quashes FIR Against KTR: కేటీఆర్ కేసు హైకోర్టులో కొట్టివేత.. అస‌లు ఏం జ‌రిగిందంటే?
మరోవైపు ఈ ఘటనపై కేసు నమోదు చేసి దర్యాప్తు చేపట్టినట్లు పోలీసులు వెల్లడించారు. ఈ విషయంపై కేసు నమోదు చేశామని స్థానిక పోలీసులు వెల్లడించారు. ఘటన వెనుక భారత వ్యతిరేక శక్తుల హస్తం ఉందా అనే కోణంలో దర్యాప్తు చేస్తున్నామన్నారు. మళ్లీ ఇటువంటి దాడులు జరగకుండా ఆలయం వద్ద భద్రతా దళాలు మోహరించాయని అన్నారు. ఈ ఘటనకు ముందు, కెనడా ప్రభుత్వం భారతీయ డిప్లొమాట్లను దేశం నుంచి బయటకు పంపిన నేపథ్యంలో, రెండు దేశాల మధ్య సంబంధాలు ఉద్రిక్తంగా మారాయి. ఇది కెనడా-భారత్ సంబంధాలలో మరింత ఉద్రిక్తతను సృష్టించింది .
ఈ ఘటనకు ప్రతిస్పందనగా, బ్రాంప్టన్ నగర పాలకులు ఆలయాల చుట్టూ 100 మీటర్ల భద్రతా పరిధిని అమలు చేశారు. ఈ కొత్త చట్టం ప్రకారం, ఆందోళనలు ఆలయాల సమీపంలో జరగకుండా నియంత్రించబడతాయి. భారత విదేశాంగ మంత్రిత్వ శాఖ ఈ దాడిని తీవ్రంగా ఖండించింది. ప్రభుత్వం కెనడా ప్రభుత్వాన్ని అన్ని ప్రార్థనా స్థలాలను రక్షించడానికి చర్యలు తీసుకోవాలని కోరింది. ఈ ఘటన భారతీయ సమాజంలో తీవ్ర ఆగ్రహాన్ని కలిగించింది. భారతీయులు తమ ఆధ్యాత్మిక స్వేచ్ఛను కాపాడుకోవడానికి కెనడా ప్రభుత్వ చర్యలను వేచి చూస్తున్నారు.
Read Also: Puja Khedkar : పూజా ఖేద్కర్‌కు సుప్రీంకోర్టు ఆదేశం