WhatsApp In App Dialer : మనం ప్రస్తుతం ట్రూకాలర్, గూగుల్ డైలర్లకు చెందిన ఇన్-యాప్ డయలర్లను ఎక్కువగా వాడుతున్నాం. ఇప్పటివరకు వాట్సాప్లో ఇన్-యాప్ డయలర్ లేదు. త్వరలోనే ఆ సౌకర్యాన్ని వాట్సాప్ తమ యూజర్లకు అందుబాటులోకి తీసుకురానుంది. ఇన్-యాప్ డయలర్ ద్వారా మనం కాంటాక్ట్ లిస్ట్లోలేని నంబర్లకు కూడా నేరుగా వాట్సాప్ నుంచే నార్మల్ కాల్ చేయొచ్చు. ప్రస్తుతం కాంటాక్ట్ లిస్టులో ఉన్న నంబరుకు మాత్రమే మనం వాట్సాప్ ద్వారా కాల్స్ చేసుకోగలుగుతున్నాం. ఇకపై ఆ అవసరం ఉండదు.ఎందుకంటే ఇన్-యాప్ డయలర్(WhatsApp In App Dialer) అందుబాటులోకి వచ్చేస్తోంది. ఇప్పటికే ఈ ఫీచర్ ఆండ్రాయిడ్ బీటా వెర్షన్ 2.24.9.28 వినియోగించే వాట్సాప్ యూజర్లకు అందుబాటులోకి వచ్చింది. త్వరలోనే దీన్ని అందరు యూజర్లకు అందుబాటులోకి తేనున్నారు. చాలా మంది వాట్సాప్ యూజర్లు ఆడియో, వీడియో కాల్స్ చేయడానికే మొగ్గు చూపుతుంటారు. ప్రత్యేకించి ఇంటర్నేషనల్ కాల్స్ చేసేటప్పుడు వాట్సాప్ వాడటానికి ప్రయారిటీ ఇస్తారు. నెట్వర్క్ ప్రాబ్లమ్ లేకుండా ఉండేందుకు, తక్కువ ఖర్చులో కాల్ చేసేందుకు వాట్సాప్ను వాడుతారు.
We’re now on WhatsApp. Click to Join