Sachin Tendulkar : 2025లో జరిగిన ఇంగ్లండ్ పర్యటన టీమిండియా యువ కెప్టెన్ శుభ్‌మన్ గిల్‌కు చిరస్మరణీయంగా నిలిచింది. తన కెప్టెన్సీ కింద టీమిండియా 5 టెస్టుల సిరీస్‌ను 2-2తో సమం చేయడమే కాకుండా, గిల్ వ్యక్తిగతంగా చరిత్ర సృష్టించాడు. ఐదు టెస్టుల్లో మొత్తం 754 పరుగులు చేసి నాలుగు శతకాలతో మెరిసాడు. ముఖ్యంగా ఎడ్జ్‌బాస్టన్ టెస్ట్‌లో 269 పరుగులు చేశాడు. ఈ ఘనతతో ఇంగ్లండ్ గడ్డపై ఒకే టెస్ట్ సిరీస్‌లో 700కు పైగా పరుగులు చేసిన తొలి ఆసియా బ్యాటర్‌గా నిలిచాడు.
గిల్ ఈ అద్భుత ప్రదర్శనపై క్రికెట్ దిగ్గజం సచిన్ టెండూల్కర్ స్పందించాడు. “ఈ సిరీస్‌లో గిల్ తన బ్యాటింగ్‌తో కొత్త ప్రమాణాలు నెలకొల్పాడు. అతని ఫుట్‌వర్క్, గేమ్ ప్లాన్, షాట్ సెలెక్షన్ అన్నీ అత్యుత్తమంగా కనిపించాయి. అతను చాలా ప్రశాంతంగా, ఆత్మవిశ్వాసంతో ఆడాడు. అనవసరంగా షాట్లు ఆడకుండా, బంతిని గౌరవిస్తూ డిఫెండ్ చేయడంలో పటిమ చూపించాడు,” అని సచిన్ చెప్పాడు.
Justice Yashwant : జస్టిస్‌ యశ్వంత్ వర్మకు సుప్రీంకోర్టు షాక్‌.. పిటిషన్‌ను తిరస్కరించిన ధర్మాసనం..!
కేవలం బ్యాటింగ్ పరంగానే కాక, కెప్టెన్సీలోనూ గిల్ తన మానసిక స్థైర్యాన్ని ప్రదర్శించినట్లు టెండూల్కర్ విశ్లేషించాడు. “కెప్టెన్సీ అనేది బౌలర్లపై ఆధారపడే అంశం. గిల్ మాత్రం ఒత్తిడికి లోనవకుండా బౌలర్లను సమర్థంగా ఉపయోగించాడు. ఇంగ్లండ్ వంటి దూకుడైన జట్టును కంట్రోల్ చేయడం సులభం కాదు. కానీ అతను తన శైలి మార్చకుండా జట్టును బాగా గైడ్ చేశాడు,” అని వ్యాఖ్యానించాడు.
ఈ ప్రదర్శనతో శుభ్‌మన్ గిల్ భవిష్యత్తులో టీమిండియాకు ఒక స్ట్రాంగ్ లీడర్‌గా ఎదుగుతున్నట్లు సూచనలు కనిపిస్తున్నాయి. బ్యాటింగ్‌తోపాటు కెప్టెన్సీలోనూ అతని సామర్థ్యాన్ని లెజెండ్స్ గుర్తించడం గర్వించదగిన విషయమే.
Vice President : ఉపరాష్ట్రపతి ఎన్నికలకు నోటిఫికేషన్ జారీ..సెప్టెంబర్ 9న పోలింగ్‌