Most Matches: విరాట్ కోహ్లీ- రోహిత్ శర్మల రికార్డుల పరంపర నిరంతరాయంగా కొనసాగుతోంది. అంతర్జాతీయ క్రికెట్‌లో ఒక భారతీయ జోడీగా అత్యధిక మ్యాచ్‌లు (Most Matches) ఆడిన ఆటగాళ్లుగా వీరు నిలిచారు. దక్షిణాఫ్రికాతో తొలి వన్డే మ్యాచ్ ఆడటానికి రోహిత్-విరాట్ మైదానంలోకి అడుగుపెట్టగానే వారు సచిన్ టెండూల్కర్- రాహుల్ ద్రవిడ్‌ల రికార్డును బద్దలు కొట్టారు. రోహిత్ శర్మ, విరాట్ కోహ్లీ కలిసి ఆడిన 392వ అంతర్జాతీయ మ్యాచ్ ఇది.
అత్యధిక అంతర్జాతీయ మ్యాచ్‌లు ఆడిన భారతీయ జోడీగా రోహిత్ శర్మ, విరాట్ కోహ్లీ రికార్డు సృష్టించారు. ఇది వారి 392వ అంతర్జాతీయ మ్యాచ్.. కాగా సచిన్ టెండూల్కర్- రాహుల్ ద్రవిడ్‌ల జోడీ భారత్ తరఫున కలిసి 391 అంతర్జాతీయ మ్యాచ్‌లు ఆడింది.
అత్యధిక అంతర్జాతీయ మ్యాచ్‌లు ఆడిన భారతీయ జోడీలు
విరాట్ కోహ్లీ- రోహిత్ శర్మ అత్యధిక అంతర్జాతీయ మ్యాచ్‌లు ఆడిన జోడీగా రికార్డు సృష్టించారు. ఈ జాబితాలో అగ్రస్థానంలో ఉన్న జోడీల వివరాలు ఇప్పుడు తెలుసుకుందాం.
- 392 మ్యాచ్‌లు- విరాట్ కోహ్లీ- రోహిత్ శర్మ
- 391 మ్యాచ్‌లు- సచిన్ టెండూల్కర్- రాహుల్ ద్రవిడ్
- 369 మ్యాచ్‌లు- రాహుల్ ద్రవిడ్- సౌరవ్ గంగూలీ
- 367 మ్యాచ్‌లు- సచిన్ టెండూల్కర్- అనిల్ కుంబ్లే
- 341 మ్యాచ్‌లు- సచిన్ టెండూల్కర్- సౌరవ్ గంగూలీ
విరాట్ సెంచరీ, రోహిత్ అర్ధ సెంచరీ
దక్షిణాఫ్రికాతో జరిగిన తొలి వన్డే మ్యాచ్‌లో విరాట్ కోహ్లీ సెంచరీ చేయ‌గా.. రోహిత్ శర్మ అర్ధ సెంచరీ సాధించి వన్డే జట్టులో తమ స్థానాన్ని సుస్థిరం చేసుకున్నారు. దక్షిణాఫ్రికాతో జరుగుతున్న తొలి వ‌న్డేలో రోహిత్ శర్మ 51 బంతుల్లో 57 ప‌రుగులు చేయ‌గా.. విరాట్ కోహ్లీ 120 బంతుల్లో 135 ప‌రుగులు చేసి ఔట‌య్యాడు.
Also Read: Yellamma: ఎల్ల‌మ్మ సినిమాపై దిల్ రాజు కీల‌క ప్ర‌క‌ట‌న.. కాస్టింగ్ గందరగోళానికి తెర?
రాంచీ మైదానంలో వన్డేలలో విరాట్ కోహ్లీ ప్రదర్శన
- ఇంగ్లాండ్- 77* (2013)
- శ్రీలంక- 139* (2014)
- న్యూజిలాండ్- 45 (2016)
- ఆస్ట్రేలియా- 123 (2019)
- దక్షిణాఫ్రికా- 135 (2025)
Also Read: Virat Kohli Century: సౌతాఫ్రికాపై విరాట్ విధ్వంసం.. 52వ సెంచరీ న‌మోదు!