పాకిస్థాన్లో ఎనిమిదేళ్ల బాలుడు టయోటా ఫార్చ్యూనర్ ఎస్యూవీ కారును నడుపుతున్న వీడియో ఒకటి సోషల్ మీడియాలో వైరల్ అవుతోంది. ఆ బుడ్డొడు తకకంటే రెండేళ్ల పెద్దదైన సోదరితో కలిసి కారు నడిపాడు. కారు డ్రైవింగ్ చేస్తూ సొంతూరుకు వెళ్లాడు. ఎనిమిదేళ్ల వయస్సున్న తన తమ్ముడు కారును ఎలా నడుపుతున్నాడో చూడండి అని సంతోషంలో మునిగిపోయింది ఈ బుడ్డొడి అక్క. “అయాన్, అరీబా షో” అనే యూట్యూబ్ ఛానెల్ ఈ వీడియోను షేర్ చేసింది. “8 ఏళ్ల పిల్లవాడు టయోటా ఫార్చ్యూనర్ను ఎలా డ్రైవ్ చేయవచ్చో ఈ రోజు మేం మీకు చూపుతాం’’ అంటూ వీడియోను షేర్ చేశారు. అయాన్ డ్రైవింగ్ను చూసిన ప్రతిఒక్కరూ షాక్ అయ్యారు. ఈ వీడియోను చూసినవాళ్ల చాలామంది బాలుడి డ్రైవింగ్ నైపుణ్యానికి మెచ్చుకుంటుండగా, మరికొంత మంది విమర్శిస్తున్నారు.