అమెరికా తుపాకి కాల్పులతో మరోసారి వణికిపోయింది. మిలటరీ దుస్తులు ధరించిన ఆగంతకుడు నిన్న మధ్యాహ్నం న్యూయార్ రాష్ట్రంలోని బఫె నగరంలో టాప్స్ ఫ్రెండ్లీ సూపర్ మార్కెట్లో విచక్షణ రహితంగా కాల్పులు జరిపాడు. ఈ కాల్పుల్లో పది మంది మరణించారు. ప్రస్తుతం నిందితుడు పోలీసులు అదుపులో ఉన్నాడు. ఈ ఘటనలో తీవ్రంగా గాయపడిన సంఖ్య పెరిగే అవకాశం ఉన్నట్లు తెలుస్తోంది.
నిందితుడు హెల్మెట్ కు అమర్చిన కెమెరా ద్వారా లైవ్ స్ట్రిమింగ్ చేసినట్లు పోలీసులు అనుమానం వ్యక్తం చేస్తున్నారు. మొదటసూపర్ మార్కెట్లోకి చొరబడి కాల్పులు జరిపిన నిందితుడు పార్కింగ్ ప్రదేశంలో ఉన్న వారిపై కూడా కాల్పులు జరిపినట్లు హెల్మెట్ కు అమర్చిన కెమెరాలో రికార్డయ్యాయి.
ఈ మధ్యే రిటైర్మెంట్ పొందిన ఓ పోలీసు అధికారి. ఆ సూపర్ మార్కెట్లో సెక్యూరిటీ గార్డుగా చేరారు. ఈ కాల్పుల్లో ఆయన కూడా మరణించినట్లు పోలీసులు తెలిపారు. అయితే ఈ కాల్పుల వెనకున్న లక్ష్యం ఏంటో తెలియలేదని..దర్యాప్తు చేస్తున్నామని పోలీసులు తెలిపారు. కాల్పుల వెనక జాతివివక్ష కోణంపైన కూడా దర్యాప్తు జరుగుతోందన్నారు. ఈ ఘటనపై అమెరికా ప్రెసిడెంట్ జో బైడెన్ దిగ్బ్రాంతి వ్యక్తం చేశారు.