Unique Marriage Proposal: ఊరంతా కనిపించేలా అమ్మాయికి ప్రపోజ్ చేసిన యువకుడు…ఏం చేశాడో తెలిస్తే షాక్.!!
ఈ మధ్యకాలంలో యువత ప్రేమపెళ్లిళ్లకే మక్కువ చూపిస్తున్నారు. ప్రేమించుకున్న వాళ్లలో కొంతమందే పెళ్లివరకు వెళ్తున్నారు.
- Written By: Hashtag U
- Publish Date - May 20, 2022 / 06:45 AM IST
ఈ మధ్యకాలంలో యువత ప్రేమపెళ్లిళ్లకే మక్కువ చూపిస్తున్నారు. ప్రేమించుకున్న వాళ్లలో కొంతమందే పెళ్లివరకు వెళ్తున్నారు. కులాలు వేరని…ఆస్తిపాస్తులు లేవని…పెద్దలు పెళ్లిళ్లకు ఒప్పుకోవడం లేదు. కానీ కొంతమంది తల్లిదండ్రులు వారి పిల్లల ఇష్టాలను గుర్తించి వారికి నచ్చిన వారితో పెళ్లిళ్లు జరిపిస్తున్నారు.
కొందరు ప్రేమికులు…తమ ప్రేమను బయటకు చెప్పేందుకు భయపడుతుంటారు. మనసులో మాట బయటకు చెబితే ఏం జరుగుతుందో అన్న భయంతో చెప్పలేకపోతారు. కొన్నిసార్లు తమ ప్రేమను పరోక్షంగా వ్యక్తపరుస్తుంటారు. కానీ ఇక్కడ ఒక యువకుడు…తమ ప్రేమను చాలా వెరైటీగా వ్యక్తపరిచాడు. ఈ లవ్ ప్రపోజ్ ఇప్పుడు వార్తల్లో నిలిచింది.
మహారాష్ట్రలోని కొల్హాపూర్ లో ఈ వెరైటీ లవ్ ప్రపోజల్ జరిగింది. కొల్హాపూర్ కు చెందిన సౌరభ్, సాంగ్లీకి చెందిన ఉత్కర్ష…వీరిద్దరు కలిసి చదువుకున్నారు. కానీ ట్విస్ట్ ఏంటంటే…సౌరభ్, ఉత్కర్ష్ గతేడాది వరకు ఒకరికొకరు తెలియదు. ఈ క్రమంలోనే సౌరభ్ ఒకరోజు ఉత్కర్షను చూశాడు. అప్పటి నుంచి ఆమెను ఇష్టపడ్డాడు. ఆమెనే పెళ్లి చేసుకోవాలని డిసైడ్ అయ్యాడు. కానీ ఆమెకు తన ప్రేమను ఎలా వ్యక్తపరచాలో అర్థం కాలేదు. ఈ క్రమంలోనే ఆ యువతి ఇంట్లో పెళ్లి సంబంధాలు చూడటం మొదలుపెట్టారు. ఆ విషయం తెలుసుకున్న సౌరభ్….తన ప్రేమ విషయాన్ని ఇంట్లో వాళ్లకు చెప్పాడు. కానీ పెద్దలు అంగీకరించలేదు.
సౌరభ్…చేసుకుంటే ఆ అమ్మాయినే చేసుకుంటానంటూ తెగేసి చేప్పాడు. ఆ అమ్మాయికి ఎలాగైనా తన ప్రేమను తెలపాలని ఆమె కాలేజ్ కు వెళ్లే మార్గంలోపెద్ద హోర్డింగ్ ఏర్పాటు చేశాడు. మ్యారీ మీ ఉత్కర్ష అని దానిపై రాసాడు. ఆమె రాగానే నేలపై కూర్చోని తన ప్రేమ గురించి చెప్పాడు. దీంతో ఆ యువతి ఒక్కసారిగా షాక్ కు గురైంది. ఇంతలా ప్రేమిస్తున్న వ్యక్తి దొరకడం తన అద్రుష్టమైని భావించింది. వెంటనే తను కూడా గ్రీన్ సిగ్నల్ ఇచ్చింది. వీరి పెళ్లికి ఇరు కుటుంబాలు కూడా ఒకే చెప్పారు. వీరి పెళ్లి మే 27న చేయాలని పెద్దలు నిశ్చయించారు. ఈ వెరైటీ ప్రేమ ప్రపోజన్ ఇప్పుడు నెట్టింట్లో వైరల్ గా మారింది.