Deepfake Videos : ‘‘డీప్ ఫేక్ వీడియోలను కట్టడి చేయాల్సిన అవసరం ఉంది’’ అని ఇటీవల ప్రధానమంత్రి నరేంద్రమోడీ వ్యాఖ్యానించిన నేపథ్యంలో ఆ దిశగా కేంద్ర ప్రభుత్వం చర్యలను మొదలుపెట్టింది. డీప్ ఫేక్ వీడియోలను కట్టడి చేసేందుకు కొత్త చట్టాన్ని తెచ్చే అంశాన్ని పరిశీలిస్తున్నామని కేంద్ర ఐటీ శాఖ సహాయ మంత్రి రాజీవ్ చంద్రశేఖర్ వెల్లడించారు. దీనిపై చర్చించేందుకు నవంబరు 23,24 తేదీల్లో అన్ని సోషల్ మీడియా ప్లాట్ఫామ్ల ప్రతినిధులతో సమావేశం అవుతామని తెలిపారు. ‘‘ఈ ఏడాది ఏప్రిల్లో ఐటీ నిబంధనలను రూపొందించాం. డీప్ఫేక్లు, నకిలీ సమాచారం ముప్పు లేకుండా నూతన ఫ్రేమ్వర్క్ను కూడా రెడీ చేస్తాం. అవసరమైతే కొత్త చట్టం కూడా తెస్తాం’’ అని కేంద్ర మంత్రి వెల్లడించారు.
We’re now on WhatsApp. Click to Join.