‎Health Tips: కాఫీ లేదా టీ.. ఖాళీ కడుపుతో ఏది తీసుకుంటే మంచిదో మీకు తెలుసా?

‎Health Tips: ప్రపంచవ్యాప్తంగా ఎక్కువ శాతం మంది ఇష్టపడే వాటిలో పానీయాలు కాఫీ, టీ. ఉదయం లేచిన దగ్గరి నుంచి రాత్రి పడుకునే వరకు కాఫీ, టీ లు తాగుతూనే ఉంటారు. కొందరికి అయితే ఇవి అంటే పిచ్చి అని చెప్పాలి. రోజులో లెక్కలేనన్ని సార్లు తాగుతూ ఉంటారు. అయితే కాఫీ టీ తాగడం మంచిదే కానీ ఎక్కువగా తాగడం అస్సలు మంచిది కాదని చెబుతున్నారు. కాగా వీటిని తుగుతున్నాం సరే, ఈ రెండింటిలో ఆరోగ్యానికి ఏది మంచిది అన్న సందేహం చాలామందికి కలిగే ఉంటుంది. అలాగే ఈ రెండిటిలో ఉదయాన్నే ఏది తీసుకోవాలి అన్న డౌట్ కూడా చాలా మందికి వచ్చే ఉంటుంది.
‎
‎మరి ఈ విషయం గురించి నిపుణులు ఏమంటున్నారో ఇప్పుడు మనం తెలుసుకుందాం.. ఖాళీ కడుపుతో కాఫీ తాగితే తక్షణ శక్తిని ఇస్తే, టీ దీర్ఘకాలిక ప్రశాంతతను అందిస్తుందట. శరీరానికి అవసరమైన శక్తిని అందించడంలో ఈ రెండూ తమదైన పాత్ర పోషిస్తాయని చెబుతున్నారు. కాఫీలో టీ కంటే రెట్టింపు కెఫిన్ ఉంటుంది. అంటే కాఫీ తక్షణమే, బలంగా శక్తిని అందిస్తుందట. ముఖ్యంగా అలసిపోయినప్పుడు ఇది బాగా పనిచేస్తుందని, టీ మాత్రం తేలికపాటి, స్థిరమైన శక్తిని ఇస్తుందని చెబుతున్నారు. కాఫీ తక్షణ చురుకుదనాన్ని ఇస్తుందట. ఇది కొన్నిసార్లు వణుకు, గుండె దడ, ఆకస్మిక శక్తి క్షీణతకు దారితీయవచ్చని చెబుతున్నారు.
‎
‎టీలో ఉండే Lథియానైన్ అనే అమైనో ఆమ్లం ప్రశాంతమైన ఏకాగ్రత, స్థిరమైన శక్తిని, తక్కువ ఆందోళనను అందిస్తుందట. కాబట్టి తక్షణ ఉత్తేజానికి కాఫీ, ప్రశాంతమైన ఏకాగ్రతకు టీ మంచి ఎంపికలు అని చెబుతున్నారు. కాఫీ త్వరగా శక్తిని ఇచ్చి త్వరగా తగ్గిపోతుందట. కొన్ని గంటల తర్వాత శక్తి క్షీణతకు దారితీయవచ్చని, Lథియానైన్ వల్ల టీలోని కెఫిన్ నెమ్మదిగా విడుదల అవుతుందట. ఇది స్థిరమైన ఏకాగ్రత, దీర్ఘకాలిక మానసిక స్పష్టతను ఇస్తుందట. అందువల్ల, ఎక్కువసేపు చదవాలన్నా లేదా పని చేయాలన్నా టీ మంచిదని చెబుతున్నారు. కాఫీ, టీ రెండూ యాంటీ ఆక్సిడెంట్ ప్రయోజనాలను అందిస్తాయట.
‎
‎కానీ వేర్వేరు మార్గాల్లో కాఫీ జీవక్రియను పెంచుతుందని, శారీరక పనితీరును మెరుగుపరుస్తుందని డోపమైన్ విడుదలను పెంచి మానసిక స్థితిని మెరుగుపరుస్తుందని చెబుతున్నారు. టీ ఒత్తిడిని తగ్గించి,మెదడు ఆరోగ్యానికి మద్దతు ఇస్తుంది, మానసిక ఓర్పును పెంచుతుందట. టీ వల్ల కలిగే ఒత్తిడి తగ్గింపు స్థిరమైన శక్తికి దోహదపడుతుందని చెబుతున్నారు. ఇది మీ దినచర్య, శరీర తట్టుకునే సామర్థ్యంపై ఆధారపడి ఉంటుందట. తక్షణ శక్తి, బలమైన చురుకుదనం, ఉదయం మేల్కొలపడానికి లేదా మెరుగైన వ్యాయామ పనితీరు కోసం కాఫీని ఎంచుకోవడం మంచిది స్థిరమైన ఏకాగ్రత, ప్రశాంతమైన శక్తి, తక్కువ ఆందోళన, రోజంతా మానసిక స్పష్టత కోసం టీని ఎంచుకోవాలట. కాఫీ తీవ్రంగా శక్తిని ఇస్తే, టీ స్థిరమైన శక్తిని అందిస్తుందని చెబుతున్నారు.