Trisha : త్రిష మరో లక్కీ ఛాన్స్.. ఏకంగా ఆ క్రేజీ కాంబోలో..!

South Number 1 Trisha Crazy Offers in her hand

Trisha రెండు దశాబ్ధాల తర్వాత కూడా సౌత్ సినిమాల్లో త్రిష తన ఫాం కొనసాగిస్తుంది. ఇది అందరికీ సాధ్యమయ్యే పని అయితే కాదు. మధ్యలో కెరీర్ కాస్త నత్త నడక నడిచినా మళ్లీ త్రిష కంబ్యాక్ ఆమె క్రేజ్ ని కొనసాగించేలా చేసింది. కోలీవుడ్ లో వరుస క్రేజీ సినిమాలతో దూసుకెళ్తున్న త్రిష మణిరత్నం P.S 1, 2 సినిమాలతో పాటుగా ఈమధ్యనే వచ్చిన లియో సినిమాలతో అలరించింది.

వయసు పెరుగుతున్నా కొద్దీ అమ్మడి అందం రెట్టింపు అవుతుంది అన్నట్టుగా త్రిష స్క్రీన్ ప్రెజెన్స్ ఉంది. తమిళంలో ఓ రేంజ్ లో దూసుకెళ్తున్న త్రిష తెలుగు నుంచి ఆఫర్లు వస్తున్నా పెద్దగా ఆసక్తి చూపించట్లేదని టాక్. ఆచార్య సినిమాలో త్రిష చేయాల్సి ఉన్నా అది ఎందుకో వర్క్ అవుట్ కాలేదు. ఇక లేటెస్ట్ గా బాలకృష్ణ సినిమాలో త్రిష నటిస్తుందని టాక్. కె.ఎస్ బాబీ డైరెక్షన్ లో బాలయ్య చేస్తున్న సినిమాలో త్రిషని హీరోయిన్ గా అనుకుంటున్నారని తెలుస్తుంది.

Also Read : Allu Arjun : బోయపాటితో అల్లు అర్జున్.. స్కంద చూశాక కూడా ఛాన్స్ ఉంటుందా..?

ఇదేకాకుండా అమ్మడికి మరో లక్కీ ఛాన్స్ వచ్చినట్టు తెలుస్తుంది. త్రివిక్రం అల్లు అర్జున్ కాంబోలో వస్తున్న సినిమాలో త్రిష నటిస్తుందని తెలుస్తుంది. ఆ సినిమాలో ఒక ఇంపార్టెంట్ రోల్ లో త్రిషని తీసుకోవాలని అనుకుంటున్నారట త్రివిక్రం. ఆయన డైరెక్షన్ లో అతడు సినిమా చేసిన త్రిష మళ్లీ త్రివిక్రం తో కలిసి పనిచేసేందుకు నో చెప్పే ఛాన్స్ లేదు.

అదీగాక అల్లు అర్జున్ సినిమాలో భాగం అవ్వడం అంటే లక్కీ అనే చెప్పొచ్చు. త్రిషకు ఈ ఛాన్స్ ఆమె కెరీర్ కు ప్లస్ అవుతుంది. పుష్ప 2 తో నెక్స్ట్ ఇయర్ మరోసారి బాక్సాఫీస్ పై తన మార్క్ చూపించాలని చూస్తున్న అల్లు అర్జున్ త్రివిక్రం సినిమాను కూడా పాన్ ఇండియా రేంజ్ లో ప్లాన్ చేస్తున్నట్టు తెలుస్తుంది.

We’re now on WhatsApp : Click to Join