Salaar Box Office: కేజీఎఫ్ 2 బాక్సాఫీస్ కలెక్షన్లను షేక్ చేసేందుకు సలార్ రెడీ

Salaar Box Office

Salaar Box Office: ప్రభాస్ నటించిన సలార్ బాక్స్ ఆఫీస్ వద్ద ఊచకోత కంటిన్యూ చేస్తున్నది. ప్రశాంత్ నీల్ దర్శకత్వంలో తెరకెక్కిన ఈ చిత్రం క్రిస్టమస్ సందర్భంగా ప్రపంచవ్యాప్తంగా రిలీజ్ అయింది. విడుదలైన మొదటి రోజు నుండి ప్రేక్షకులని విపరీతంగా ఆకట్టుకున్నది. ఈ క్రమంలో వసూళ్ల వర్షం కురిపించింది. బాక్సాఫీస్ వద్ద ఈ యాక్షన్ థ్రిల్లర్ తనదైన ముద్ర వేసింది. ఇదిలా ఉంటే సలార్ 19 వ రోజు బాక్సాఫీస్ కలెక్షన్ తాజా రిపోర్ట్ బయటకు వచ్చింది.

యాక్షన్ థ్రిల్లర్ మూవీ సలార్ గత క్రిస్మస్ సందర్భంగా ప్రేక్షకులను బాగా అలరించింది. త్వరలో ప్రభాస్ నటించిన సలార్ సినిమా విడుదలై మూడు వారాలు పూర్తి చేసుకోనుంది .ఈ సమయంలో ఈ చిత్రం థియేటర్ల నుండి బాక్సాఫీస్ వరకు తన ఆధిపత్యాన్ని కొనసాగించింది. అయితే గత వారాంతం నుంచి ఈ సినిమా కలెక్షన్స్ తగ్గుముఖం పట్టాయి. కాగా, సలార్ 19వ రోజు బాక్సాఫీస్ కలెక్షన్ల తాజా రిపోర్ట్ బయటకు వచ్చింది.రోజురోజుకు ‘సాలార్’ వసూళ్లు తగ్గుముఖం పడుతూనే ఉన్నా.. మెల్లమెల్లగా ఈ సినిమా వసూళ్ల పరంగా సరికొత్త రికార్డులు సృష్టిస్తూ ముందుకు సాగుతోంది. త్వరలో సాలార్ ఇండియన్ బాక్సాఫీస్ వద్ద రూ.400 కోట్ల బిజినెస్ చేయబోతోంది.

సలార్’ మంగళవారం భారతదేశంలో దాదాపు రూ. 2 కోట్లు వసూళ్లు చేసింది.గతంతో పోలిస్తే ఈ సినిమా బిజినెస్ తగ్గుముఖం పట్టడం వల్ల సినిమా టోటల్ కలెక్షన్స్ అంతంత మాత్రంగానే పెరుగుతూ పోతున్నప్పటికీ లెక్కలు మాత్రం బాగానే ఆకట్టుకున్నాయి. ఇప్పటి వరకు సలార్ మొత్తం నెట్ ఇండియా బాక్సాఫీస్ కలెక్షన్ 398 కోట్లకు చేరుకుంది. ఈ వారం అంతా సలార్ మంచి వసూళ్లను సాధిస్తే యష్ నటించిన కెజిఎఫ్ చాప్టర్ 2 బాక్సాఫీస్ కలెక్షన్ రికార్డును బద్దలు కొడుతోంది. కేజీఎఫ్ 2 బాక్సాఫీస్ కలెక్షన్లు 434 కోట్లు. సలార్ ఇప్పటివరకు 398 కోట్లు రాబట్టింది.

Also Read: Sankranti Kites Festival: సంక్రాంతికే గాలిపటాలను ఎందుకు ఎగురవేస్తారు ? మీకు తెలుసా