నందమూరి బాలకృష్ణ హీరోగా, మాస్ డైరెక్టర్ గోపీచంద్ మలినేని దర్శకత్వంలో తెరకెక్కుతున్న ప్రతిష్ఠాత్మక చిత్రం ‘NBK111’ నుంచి ఓ ఆసక్తికరమైన అప్డేట్ వచ్చింది. హీరోయిన్ కాజల్ అగర్వాల్ పుట్టినరోజు సందర్భంగా ఈ చిత్రంలో ఆమె నటిస్తున్నట్లు అధికారికంగా ప్రకటిస్తూ ఫస్ట్ లుక్ పోస్టర్ను మేకర్స్ విడుదల చేశారు. దీంతో సినిమాపై ఉన్న అంచనాలు మరింత పెరిగాయి.
Every storm has a reason 🔥
Team #NBK111 is delighted to present and wishes the ever versatile @MsKajalAggarwal a very Happy Birthday ❤️
Yet again, you will witness a side of her 💥#HBDKajalAggarwal
GOD OF MASSES #NandamuriBalaKrishna @heromanoj1 @megopichand @musicthaman… pic.twitter.com/1FX5rhIYR4— Vriddhi Cinemas (@vriddhicinemas) June 19, 2026
ఈరోజు విడుదల చేసిన పోస్టర్లో కాజల్ సింపుల్ చీరకట్టులో, కళ్లజోడు ధరించి ఎంతో గంభీరంగా, సీరియస్ లుక్తో కనిపించారు. దీంతో ఈ సినిమాలో ఆమె పాత్రపై ప్రేక్షకుల్లో క్యూరియాసిటీ మొదలైంది. ఈ సందర్భంగా చిత్ర బృందం కాజల్కు పుట్టినరోజు శుభాకాంక్షలు తెలుపుతూ, ఈ సినిమా ఆమె కెరీర్లో ప్రత్యేకంగా నిలిచిపోతుందని పేర్కొంది.
‘భగవంత్ కేసరి’ చిత్రం తర్వాత బాలకృష్ణ, కాజల్ కాంబినేషన్లో వస్తున్న రెండో సినిమా ఇది. ఆ సినిమాలో కాజల్ పాత్రకు మంచి మార్కులు పడ్డాయి. అయితే, ‘NBK111’లో మాత్రం ఆమె పూర్తిస్థాయి హీరోయిన్గా, కథను కీలక మలుపు తిప్పే పాత్రలో కనిపించనున్నట్లు ఇండస్ట్రీ వర్గాల్లో చర్చ జరుగుతోంది.
భారీ యాక్షన్, ఎమోషన్స్తో భారీ బడ్జెట్తో ఈ చిత్రాన్ని నిర్మిస్తున్నారు. ప్రస్తుతం ఈ సినిమా షూటింగ్ శరవేగంగా జరుగుతోంది. ఈ చిత్రానికి తమన్ సంగీతం అందిస్తున్నారు.