Karthika Deepam 2 : సీరియల్‌కి కూడా ప్రీ రిలీజ్ ఈవెంట్.. కార్తీకదీపం 2.. వంటలక్క, డాక్టర్ బాబు కోసం ఎదురుచూపులు..

Pre Release Event for Nirupam Paritala Premi viswanath Karthika Deepam 2 Serial

సినిమాలకు ప్రీ రిలీజ్ ఈవెంట్స్ చేయడం చూసాం కానీ సీరియల్ కి కూడా ప్రీ రిలీజ్ ఈవెంట్ చేస్తారా? మొదటి సారి ఓ సీరియల్ కి ప్రీ రిలీజ్ ఈవెంట్ చేస్తున్నారు. ఈ జనరేషన్ లో సీరియల్స్ గ్రాండ్ సక్సెస్ అవ్వడం చాలా తక్కువ. కానీ బుల్లితెర ప్రేక్షకుల‌ను క‌ట్టిప‌డేసి ఐపీఎల్ సమయంలో కూడా దానికి మించి టీఆర్పీ రేటింగ్ తెచ్చుకొని, దేశంలోనే ఎక్కువ టీఆర్పీతో సక్సెస్ అయిన సీరియల్ కార్తీక దీపం(Karthika Deepam).

ఈ సీరియల్ లో డాక్టర్ బాబు, వంట‌ల‌క్కగా నటించిన నిరుపమ్, ప్రేమి విశ్వనాధ్ ఒరిజినల్ పేర్లు కూడా మర్చిపోయి ఆ పేర్లతోనే పిలిచేలా సక్సెస్ అయ్యారు. 2017 అక్టోబర్ నుంచి 2022 జనవరి వరకు ఈ సీరియల్ సాగి ఎంతోమంది తెలుగు మహిళా ప్రేక్షకులని అలరించింది. ఇప్పుడు పేక్షకుల కోరిక మేరకు ఈ సీరియల్ కి సీక్వెల్ రాబోతుంది. ఆల్రెడీ ఇటీవలే కార్తీక దీపం 2 ప్రోమో కూడా రిలీజ్ చేశారు. త్వరలోనే ఈ సీరియల్ స్టార్ మా ఛానల్ లో టెలికాస్ట్ అవ్వనుంది.

అయితే ఈ సీరియల్ కి ఇప్పుడు ప్రీ రిలీజ్ ఈవెంట్ ని నిర్వహించబోతున్నారు. అధికారికంగా ఈ విషయాన్ని ప్రకటించడంతో అంతా ఆశ్చర్యపోతున్నారు. సీరియల్ కి ప్రీ రిలీజ్ ఈవెంట్ ఏంట్రా బాబు అని అనుకుంటున్నారు. నేడు మార్చి 21 మధ్యాహ్నం 2 గంటల నుండి హైదరాబాద్ లోని ప్రసాద్ ల్యాబ్స్ లో కార్తీకదీపం 2 సీరియల్ ప్రీ రిలీజ్ ఈవెంట్ జరగబోతుంది. ఈ ఈవెంట్ కి నిరుపమ్ పరిటాల, ప్రేమి విశ్వనాధ్ తో పాటు సీరియల్ యూనిట్ అంతా హాజరవ్వనున్నారు. దీంతో అభిమానులు భారీగానే ఈ ఈవెంట్ కి రానున్నారు. సీజన్ 2 కూడా ఏ రేంజ్ లో సక్సెస్ అవుతుందో చూడాలి.

Also Read : RGV : ‘నా పెళ్ళాం దయ్యం’ అంటున్న ఆర్జీవీ.. ఇంతకీ ఆ పెళ్ళాం ఎవరో?